ਬਹਿਰਾਮ ਅਤੇ ਰੈਲਮਾਜਰਾ ਆਈਸੋਲੇਸਨ ਵਾਰਡ ਦੇ ਮਰੀਜਾਂ ਵਿੱਚ ਗੁਰਦਾਸਪੁਰ, ਕਪੂਰਥਲਾ, ਨਵਾਂਸ਼ਹਿਰ, ਰੋਪੜ ਨਾਲ਼ ਸੰਬਧਤ 62 ਦੀ ਰਿਪੋਰਟ ਆਈ ਪੋਸਿਟਿਵ - ਡੀ ਸੀ ਬਬਲਾਨੀ

ਬੰਗਾ/ਨਵਾਂਸ਼ਹਿਰ (ਮਨਜਿੰਦਰ ਸਿੰਘ, ਚੇਤ ਰਾਮ ਰਤਨ, ਪ੍ਰੇਮ ਜੰਡਿਆਲੀ ) ਅੱਜ ਸਿਹਤ ਵਿਭਾਗ ਵਲੋਂ ਕੀਤੇ ਖੁਲਾਸੇ ਅਨੁਸਾਰ 117 ਵਿਅਕਤੀਆਂ ਵਿੱਚੋ 62 ਵਿਅਕਤੀਆਂ ਦੀਆਂ ਕੋਰੋਨਾ ਵਾਇਰਸ ਰਿਪੋਟਾਂ ਪੋਸੀਟਿਵ ਆਉਣ ਨਾਲ਼ ਜਿਲੇ ਵਿੱਚ ਘਬਰਾਹਟ ਮੁੜ ਪੈਦਾ ਹੋ ਗਈ ਹੈ | ਜਿਲਾ ਮੈਜਿਸਟ੍ਰੇਟ ਸ਼੍ਰੀ ਵਿਨੈ ਬਬਲਾਨੀ ਨੇ ਦੱਸਿਆ ਕਿ ਪੋਸਿਟਿਵ ਆਏ ਵਿਅਕਤੀ ਗੁਰਦਸਪੁਰ, ਕਪੂਰਥਲਾ, ਨਵਾਂਸ਼ਹਿਰ, ਰੋਪੜ, ਬਲਾਚੌਰ, ਬੰਗਾ ਅਤੇ ਜਾਡਲਾ ਆਦਿ ਨਾਲ਼ ਸੰਬੰਧਤ ਹਨ | ਉਨ੍ਹਾਂ ਕਿਹਾ ਕਿ ਨਾਂਦੇੜ ਸਾਹਿਬ, ਹਜੂਰ ਸਾਹਿਬ ਸਰਧਾਲੂਆਂ ਅਤੇ ਫੈਕਟਰੀ ਕਰਮੀਆਂ ਦੇ 242 ਸੈਮਲ ਲਏ ਗਏ ਸਨ ਇਨ੍ਹਾਂ ਨੂੰ ਬਹਿਰਾਮ ਅਤੇ ਰੈਲ ਮਾਜਰਾ ਆਈਸੋਲੇਸਨ ਵਾਰਡਾ ਵਿੱਚ ਰੱਖਿਆ ਹੋਇਆ ਸੀ | ਸਿਵਲ ਸਰਜਨ ਰਾਜਿੰਦਰ ਪ੍ਰਸ਼ਾਦ ਭਾਟੀਆ ਨੇ ਇਸ ਗੱਲ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਨ੍ਹਾਂ ਸੈਪਲਾ  ਵਿੱਚੋ 62 ਵਿਅਕਤੀ ਕੋਰੋਨਾ ਵਾਇਰਸ ਮਰੀਜ਼ ਪਾਏ ਗਏ ਹਨ | ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਮਰੀਜਾਂ ਨੂੰ ਇਲਾਜ ਲਈ ਸਿਵਲ ਹਸਪਤਾਲ ਨਵਾਂਸ਼ਹਿਰ ਲਿਆਂਉਂਦਾ ਗਿਆ ਹੈ |ਇਸ ਖ਼ਬਰ ਨਾਲ਼ ਜਿਲਾ ਪ੍ਰਸ਼ਾਸਨ ਦੀਆਂ ਚਿੰਤਾਵਾਂ ਹੋਰ ਵੱਧ ਗਈਆਂ ਹਨ | ਇਥੇ ਇਹ ਵੀ ਵਰਨਣ ਯੋਗ ਹੈ ਕੇ ਜਿਲਾ ਪੁਲਿਸ ਅਤੇ ਸਿਵਲ ਪ੍ਰਸ਼ਾਸਨ ਨੇ ਇਕ ਮੀਟਿੰਗ ਕਰ ਕੇ ਜਿਲੇ ਦੇ ਲੋਕਾਂ ਦੀ ਸਿਹਤ ਨੂੰ  ਮੱਦੇਨਜ਼ਰ ਰੱਖਦਿਆਂ ਕਰਫਿਊ ਦੌਰਾਨ ਹੋਰ ਸਖਤੀ ਵਰਤਣ ਦਾ ਫੈਸਲਾ ਲਿਆ ਹੈ |