ਬੰਗਾ 2 ਸਤੰਬਰ (ਮਨਜਿੰਦਰ ਸਿੰਘ) ਵੈਸੇ ਤਾਂ ਇਸ ਤਰ੍ਹਾਂ ਦੇ ਮਹਾਂਮਾਰੀ ਵਾਲੇ ਹਾਲਾਤ ਵਿੱਚ ਸਰਕਾਰਾਂ ਦੇ ਫਰਜ਼ ਬਣਦੇ ਹਨ ਕਿ ਉਹ ਆਪਣੇ ਦੇਸ਼ ਵਾਸੀਆਂ ਦਾ ਮੁਸੀਬਤ ਵਿੱਚ ਸਾਥ ਦੇਵੇ ਪਰ ਜਦੋਂ ਦੀ ਕੋਵਿੰਡ 19 ਮਹਾਂਮਾਰੀ ਦੀ ਸ਼ੁਰੂਆਤ ਹੋਈ ਹੈ ਕਿਸੇ ਤਰ੍ਹਾਂ ਦੀ ਵੀ ਆਰਥਿਕ ਮਦਦ ਸਰਕਾਰਾਂ ਵੱਲੋਂ ਨਹੀਂ ਦਿੱਤੀ ਗਈ । ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਕਰਦਿਆਂ ਜੋਗ ਰਾਜ ਜੋਗੀ ਨਿਮਾਣਾ ਕੌਮੀ ਜਨਰਲ ਕੌਂਸਲ ਮੈਂਬਰ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਨੇ ਚੋਣਵੇਂ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਿਹਾ ਕਿ ਜੇ ਸਰਕਾਰਾਂ ਆਪਣੇ ਲੋਕਾਂ ਦੀ ਬਾਂਹ ਫੜ ਕੇ ਮਦਦ ਨਹੀਂ ਕਰ ਸਕਦੀਆਂ ਤਾਂ ਘੱਟ ਤੋਂ ਘੱਟ ਬਾਂਹ ਮਰੋੜ ਕੇ ਕਚੂਮਰ ਨਾ ਕੱਢਣ ।ਉਨ੍ਹਾਂ ਕਿਹਾ ਕਿ ਕੌਮਾਂਤਰੀ ਕਿਰਤ ਅਦਾਰੇ ਅਤੇ ਏਸ਼ੀਆਈ ਵਿਕਾਸ ਬੈਂਕ ਦੀ ਸਾਂਝੀ ਰਿਪੋਰਟ ਅਨੁਸਾਰ ਕੋਵਿੱਡ 19 ਤਾਲਾਬੰਦੀ ਕਾਰਨ ਦੇਸ਼ ਅੰਦਰ 41 ਲੱਖ ਤੋਂ ਵੱਧ ਲੋਕ ਬੇਰੁਜ਼ਗਾਰ ਹੋ ਗਏ ਹਨ ਇਸ ਰਿਪੋਰਟ ਅਨੁਸਾਰ ਸ਼ਹਿਰੀ ਲੋਕ ਜਿਆਦਾ ਪ੍ਰਭਾਵਿਤ ਹੋਏ ਹਨ ਪਰ ਪੇਂਡੂ ਲੋਕਾਂ ਤੇ ਵੀ ਇਸ ਦਾ ਗਹਿਰਾ ਅਸਰ ਹੋਇਆ ਹੈ । ਗੈਰ ਭਾਜਪਾ ਸੂਬਾ ਸਰਕਾਰਾਂ ਆਪਣੀ ਮੰਦਹਾਲੀ ਦਾ ਕਾਰਨ ਕੇਂਦਰ ਸਰਕਾਰ ਨੂੰ ਦੱਸ ਰਹੀਆਂ ਹਨ । ਸੂਬਾ ਸਰਕਾਰਾਂ ਜਿਵੇਂ ਕਿ ਪੰਜਾਬ ਸਰਕਾਰ ਲੋਕਾਂ ਦੀ ਮਦਦ ਕਰਨ ਦੀ ਬਜਾਏ ਕੋਵਿੰਡ 19 ਦੇ ਨਵੇਂ ਨਵੇਂ ਜੁਰਮਾਨੇ ਜਿਵੇਂ ਕੇ ਮਾਸਕ ਨਾ ਪਾਉਣਾ ਅਤੇ ਹੋਰ ਲਾ ਕੇ ਆਪਣੇ ਖਜ਼ਾਨੇ ਭਰ ਕੇ ਲੋਕਾਂ ਦਾ ਕਚੂਮਰ ਕੱਢ ਰਹੀ ਹੈ ।ਲੋਕਾਂ ਦੇ ਕਾਰੋਬਾਰ ਟਰਾਂਸਪੋਰਟ ਸਾਰੇ ਧੰਦੇ ਬੰਦ ਹਨ ਪਰ ਬੈਂਕਾਂ ਵਾਲੇ ਗੱਡੀਆਂ ਅਤੇ ਵਪਾਰ ਦੇ ਕਰਜ਼ਿਆਂ ਦੀਆਂ ਕਿਸ਼ਤਾਂ ਮੰਗ ਰਹੇ ਹਨ ਜਿਨ੍ਹਾਂ ਦਾ ਭੁਗਤਾਨ ਕਰਨਾ ਲੋਕਾਂ ਲਈ ਬਹੁਤ ਮੁਸ਼ਕਿਲ ਹੋ ਚੁੱਕਾ ਹੈ । ਲੋਕਾਂ ਦੀ ਜ਼ੁਬਾਨ ਤੇ ਅਤੇ ਸੋਸ਼ਲ ਮੀਡੀਆ ਤੇ ਇਹ ਚਰਚਾ ਹੈ ਕਿ ਦੇਸ਼ ਬੰਦ ਹੈ ਟੈਕਸ ਚਾਲੂ ਹੈ ,ਵਪਾਰ ਬੰਦ ਹੈ ਵਿਆਜ ਚਾਲੂ ਹੈ , ਸ਼ਟਰ ਬੰਦ ਹੈ ਕਿਰਾਇਆ ਚਾਲੂ ਹੈ, ਸਕੂਲ ਬੰਦ ਹੈ ਫੀਸ ਚਾਲੂ ਹੈ । ਨਿਮਾਣਾ ਨੇ ਸਰਕਾਰ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਜ਼ਮੀਨੀ ਪੱਧਰ ਤੇ ਲੋਕਾਂ ਦੀਆਂ ਮੁਸ਼ਕਲਾਂ ਨੂੰ ਸਮਝ ਕੇ ਉਨ੍ਹਾਂ ਦੀ ਬਾਹ ਫੜੀ ਜਾਵੇ ਅਤੇ ਕੋਈ ਆਰਥਿਕ ਪੈਕੇਜ ਦਿੱਤਾ ਜਾਵੇ ਨਹੀਂ ਤਾਂ ਘੱਟੋ ਘੱਟ ਬਾਹਾਂ ਮਰੋੜਨ ਵਾਲੇ ਜੁਰਮਾਨੇ ਅਤੇ ਟੈਕਸ ਬੰਦ ਕੀਤੀ ਜਾਣ ।ਇਸ ਮੌਕੇ ਉਨ੍ਹਾਂ ਨਾਲ ਮਹਿੰਦਰ ਸਿੰਘ ਮਜਾਰੀ , ਬਲਵੀਰ ਮੰਢਾਲੀ, ਪੰਡਿਤ ਰਾਜੀਵ ਸਰਮਾ ਕੁਲਥਮ ਭਜਨ ਸਿੰਘ ਬਹਿਰਾਮ, ਮੱਖਣ ਲਾਲ ਬੰਗਾ ਰੋਸਨਦੀਪ ਕਰਨਾਣਾ , ਅਮਰੀਕ ਬੰਗਾ, ਜੈ ਰਾਮ ਸਿੰਘ ਜਸਵੰਤ ਰਾਏ ਚੱਕਗੁਰੂ,ਮਹਿੰਦਰ ਸਿੰਘ ਚੱਕ ਗੁਰੂ ,ਲੰਬੜਦਾਰ ਤਿੰਬਰ ਨਾਸਿਕ, ਮਦਨ ਲਾਲ ਪੰਚ ਚੱਕਮਾਈਦਾਸ ਆਦਿ ਹਾਜਰ ਸਨ ।
No comments:
Post a Comment