ਵਚਨਸਿਧ ਮੁਨੀ ਬਾਬਾ ਗੱਛਾਧਿਪਤੀ ਪੂਜਯ ਗੁਰੂਦੇਵ ਸੇਠ ਸ਼੍ਰੀ ਪ੍ਰਕਾਸ਼ ਚੰਦ ਜੀ ਮਹਾਰਾਜ ਦਾ 93ਵਾ ਜਨਮ ਦਿਵਸ ਮਨਾਇਆ :

ਬੰਗਾ 2,ਜਨਵਰੀ (ਮਨਜਿੰਦਰ ਸਿੰਘ)   ਸ਼੍ਰੀ ਐੱਸ ਐਸ  ਜੈਨ ਸਭਾ ਬੰਗਾ ਵਿਚ  ਅਗਾਮ ਗਿਆਤਾ ਗੁਰੂਦੇਵ ਸ਼੍ਰੀ ਸ਼ੁਭਮ ਮੁਨੀ ਜੀ ਮਹਾਰਾਜ   ਨੌਜਵਾਨ ਤਪੱਸਵੀ   ਸ਼੍ਰੀ ਸ਼ਾਲੀਭद्र ਮੁਨੀ ਜੀ ਮਹਾਰਾਜ ਦੀ ਪਵਿੱਤਰ ਸੰਗਤ ਵਿਚ ਬੰਗਾ ਜੈਨ ਸਮਾਜ ਵੱਲੋਂ ਵਚਨ ਸਿੰਧ ਮੁਨੀ   ਬਾਬਾ  ਗੱਛਾਧਿਪਤੀ  ਗੁਰੁਦੇਵ ਸੇਠ ਸ਼੍ਰੀ ਪ੍ਰਕਾਸ਼ ਚੰਦ ਜੀ ਮਹਾਰਾਜ ਦਾ 93 ਵਾਂ ਜਨਮਦਿਨ ਬਹੁਤ ਸ਼ਰਧਾ ਅਤੇ ਸਾਦਗੀ ਨਾਲ ਜੈਨ ਸਭਾ ਬੰਗਾ ਵਿਖੇ  ਮਨਾਇਆ ਗਿਆ।ਮਹਾਰਾਜ ਸ਼੍ਰੀ ਜੀ ਨੇ ਗੁਰੂਦੇਵ ਸੇਠ ਸ਼੍ਰੀ ਪ੍ਰਕਾਸ਼ ਚੰਦ ਜੀ ਮਹਾਰਾਜ ਦੇ ਜੀਵਨ ਤੇ ਚਾਨਣਾ ਪਾਇਆ।ਜੈਨ ਸਭਾ ਦੇ  ਚੇਅਰਮੈਨ, ਸੀਨੀਅਰ ਐਡਵੋਕੇਟ ਸ਼੍ਰੀ ਜੇ.ਡੀ. ਜੈਨ ਨੇ  ਬੰਗਾ ਆਉਣ ਵਾਲੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ  ਕਿਹਾ ਕਿ ਜੈਨ ਧਰਮ ਵਿਸ਼ਵ ਦੇ ਪ੍ਰਾਚੀਨ ਧਰਮਾਂ ਵਿਚੋਂ ਇਕ ਹੈ।ਬੰਗਾ ਸ਼ਹਿਰ ਵਿਚ ਗਿਆਨ ਦੀ ਗੰਗਾ ਵਗ ਰਹੀ ਹੈ ਅਤੇ ਸਾਨੂੰ ਸਾਰਿਆਂ ਨੂੰ ਧਰਮ ਦੀ ਪੂਜਾ ਕਰਕੇ ਆਪਣਾ ਜੀਵਨ ਸਫਲ ਬਣਾਉਣਾ ਚਾਹੀਦਾ ਹੈ ।ਇਸ ਮੌਕੇ  ਮਹਿਲਾ ਮੰਡਲ ਨੇ ਭਜਨ ਕੀਰਤਨ ਕੀਤਾ।ਇਸ ਸਮਾਰੋਹ ਵਿੱਚ, ਦਿੱਲੀ ਪਾਨੀਪਤ ਪੰਚਕੂਲਾ ਰੋਪੜ ਜਲੰਧਰ ਫਗਵਾੜਾ ਆਦਿ ਸਮੂਹ ਜੈਨ ਸਮਾਜ ਦੇ ਸ਼੍ਰੀ ਸੰਘ ਆਏ ਅਤੇ ਨਵੇਂ ਸਾਲ ਦੇ ਸ਼ੁਭ ਅਵਸਰ ਤੇ ਗੁਰੁਦੇਵ ਦੇ ਉਪਦੇਸ਼ ਦਾ  ਅਸ਼ੀਰਵਾਦ ਪ੍ਰਾਪਤ ਕੀਤਾ।  ਮਹਾਰਾਜ ਸ਼੍ਰੀ ਜੀ ਨੇ  ਨਵੇਂ ਸਾਲ ਦੇ ਮੌਕੇ 'ਤੇ ਮਹਾਂ ਮੰਗਲ ਦਾ ਪਾਠ ਕੀਤਾ ।ਮੰਚ ਦਾ ਸੰਚਾਲਨ  ਸਭਾ ਦੇ ਮਹਾਮੰਤਰੀ ਰੋਹਿਤ ਜੈਨ ਨੇ ਕਰਦੇ ਹੋਏ ਸੰਗਤ ਅਤੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਅਤੇ ਸਭਾ ਵੱਲੋਂ ਮਹਿਮਾਨਾਂ ਨੂੰ ਗੌਤਮ ਪ੍ਰਸ਼ਾਦ ਵਰਤਾਇਆ ਗਿਆ।ਇਸ ਮੌਕੇ ਸਭਾ ਪ੍ਰਧਾਨ  ਐਡਵੋਕੇਟ ਐਸ ਐਲ ਜੈਨ, ਖਜ਼ਾਨਚੀ ਜਗਦੀਸ਼ ਜੈਨ, ਸਕੂਲ ਪ੍ਰਧਾਨ  ਕਮਲ ਜੈਨ, ਮੈਨੇਜਰ ਸੰਜੀਵ ਜੈਨ ,ਰਾਕੇਸ਼ ਜੈਨ, ਰਾਹੁਲ ਜੈਨ, ਉਮੇਸ਼ ਜੈਨ, ਅੰਜੂ ਜੈਨ ,ਵੀਰ ਕਾਂਤਾ ਜੈਨ, ਪੁਸ਼ਪਾ ਜੈਨ, ਸ਼ਸ਼ੀ ਜੈਨ, ਕਿਰਨ ਜੈਨ ਲੋਕੇਸ਼ ਜੈਨ  ਆਦਿ ਹਾਜ਼ਰ ਸਨ ।