ਬੰਗਾ 25 ਅਪ੍ਰੈਲ(ਮਨਜਿੰਦਰ ਸਿੰਘ)ਪੰਜਾਬ ਸਰਕਾਰ ਵਲੋਂ ਕੋਰੋਨਾ ਦੇ ਵੱਧ ਰਹੇ ਮਾਮਲਿਆਂ ਕਾਰਣ ਅੱਜ ਜੋ ਪੂਰੇ ਪੰਜਾਬ ਵਿਚ ਲਾਕ ਡਾਊਣੰ ਦੇ ਹੁਕਮ ਦਿਤੇ ਗਏ ਸਨ ਉਸ ਦੀ ਪਾਲਣਾ ਕਰਦਿਆਂ ਬੰਗਾ ਸ਼ਹਿਰ ਵਿਚ ਸੰਪੂਰਨ ਬੰਦ ਰਿਹਾ |ਹਸਪਤਾਲ ਅਤੇ ਦਵਾਈਆਂ ਦੀਆਂ ਕੁਝ ਦੁਕਾਨਾਂ ਨੂੰ ਛੱਡ ਕੇ ਬਾਕੀ ਸਾਰੀਆਂ ਦੁਕਾਨਾਂ ਅਤੇ ਵਪਾਰਕ ਅਦਾਰੇ ਬੰਦ ਰਹੇ |
ਰੈਸਟੂਰੈਂਟ ,ਢਾਬੇ ,ਫਲ ,ਸਬਜ਼ੀ ਦੀਆ ਦੁਕਾਨਾਂ ਅਤੇ ਸ਼ਰਾਬ ਦੇ ਠੇਕੇ ਵੀ ਪੂਰੀ ਤਰਾਂ ਬੰਦ ਵੇਖੇ ਗਏ |ਸ਼ਰਾਬ ਲੈਣ ਦੇ ਚਾਹਵਾਨ ਠੇਕਿਆਂ ਦੇ ਆਲੇ ਦੁਆਲੇ ਦੇਖੇ ਗਏ ਪਰ ਉਨ੍ਹਾਂ ਨੂੰ ਖਾਲੀ ਹੀ ਪਰਤਣਾ ਪਿਆ ਕਿਉਂ ਕਿ ਛੋਟੀ ਖਿੜਕੀ ਜੋ ਇਨ੍ਹਾਂ ਮੌਕਿਆਂ ਤੇ ਅਕਸਰ ਖੁਲੀ ਮਿਲਦੀ ਹੈ ਉਹ ਵੀ ਪੂਰੀ ਤਰਾਂ ਬੰਦ ਸੀ
|ਬਹੁਤ ਘੱਟ ਲੋਕ ਹੀ ਸ਼ਹਿਰ ਵਿਚ ਦੇਖਣ ਨੂੰ ਮਿਲੇ ਮੈਨ ਰੋਡ ਤੇ ਵੀ ਆਵਾਜਾਈ ਬਹੁਤ ਘੱਟ ਸੀ
|ਇਸ ਕਰਫਿਊ ਬਾਰੇ ਥਾਣਾ ਸਿਟੀ ਬੰਗਾ ਇੰਸਪੈਕਟਰ ਸ਼੍ਰੀ ਸਤੀਸ ਕੁਮਾਰ ਨਾਲ ਜਦੋ ਗੱਲ ਕੀਤੀ ਗਈ ਤਾ ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨ ਅਤੇ ਸਰਕਾਰ ਦੀਆਂ ਹਦਾਇਤਾ ਦੀ ਬੰਗਾ ਸ਼ਹਿਰ ਵਾਸੀਆਂ ਨੇ ਪੂਰਾ ਪਾਲਣ ਕੀਤਾ ਹੈ ਜਿਸ ਲਈ ਉਹ ਉਨ੍ਹਾਂ ਦੇ ਧੰਨਵਾਦੀ ਹਨ |
No comments:
Post a Comment