ਬੰਗਾ 18,ਸਤੰਬਰ (ਮਨਜਿੰਦਰ ਸਿੰਘ )ਥਾਣਾ ਸਦਰ ਬੰਗਾ ਦੀ ਪੁਲਸ ਵੱਲੋਂ 10 ਪੇਟੀਆਂ ਸ਼ਰਾਬ ਸਮੇਤ ਦੋ ਵਿਅਕਤੀਆਂ ਨੂੰ ਕਾਬੂ ਕੀਤਾ ਗਿਆ ।ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਏ ਐੱਸ ਆਈ ਰਾਮਪਾਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਮੁਖਬਰ ਤੋਂ ਇਤਲਾਹ ਮਿਲੀ ਕਿ ਦੋ ਵਿਅਕਤੀ ਭਾਰੀ ਮਾਤਰਾ ਵਿੱਚ ਸ਼ਰਾਬ ਲੈ ਕੇ ਫਗਵਾੜਾ ਤੋਂ ਬੰਗਾ ਵੱਲ ਆ ਰਹੇ ਹਨ । ਮਿਲੀ ਇਤਲਾਹ ਮੁਤਾਬਕ ਉਨ੍ਹਾਂ ਪੁਲਸ ਪਾਰਟੀ ਸਮੇਤ ਮਜਾਰੀ ਬੱਸ ਅੱਡੇ ਤੇ ਨਾਕੇ ਦੌਰਾਨ ਸਕਾਰਪੀਓ ਗੱਡੀ ਨੰਬਰ ਪੀ ਬੀ 32ਵੀ 6566 ਜਿਸ ਵਿੱਚ ਡਰਾਈਵਰ ਸਮੇਤ ਦੋ ਵਿਅਕਤੀ ਮੌਜੂਦ ਸਨ ਨੂੰ ਰੋਕ ਕੇ ਚੈੱਕ ਕੀਤਾ ਤਾਂ ਉਸ ਵਿਚੋਂ ਦੱਸ ਪੇਟੀਆਂ ਸ਼ਰਾਬ ਬਰਾਮਦ ਹੋਈਆਂ। ਜੋ ਕਿ 5,ਪੇਟੀਆਂ ਫਸਟ ਚੁਆਇਸ ਵਿਸਕੀ 2ਪੇਟੀਆਂ ਅਫ਼ਸਰ ਚੁਆਇਸ ਵਿਸਕੀ 1ਪੇਟੀ ਰਾਇਲ ਸਟੈਗ 1 ਪੇਟੀ ਆਰਸੀ ਇੱਕ ਪੇਟੀ ਸਿਗਨੇਚਰ ਅਤੇ ਤਿੰਨ ਪੇਟੀਆਂ ਬੀਅਰ ਦੀਆਂ ਸਨ l ਏਐਸਆਈ ਨੇ ਦੱਸਿਆ ਕਿ ਫੜੇ ਗਏ ਦੋਸ਼ੀਆਂ ਦੀ ਪਹਿਚਾਣ ਗਗਨ ਪੁੱਤਰ ਮਦਨ ਲਾਲ ਵਾਸੀ ਪਿੰਡ ਕਾਹਮਾ ,ਸੰਦੀਪ ਸਿੰਘ ਪੁੱਤਰ ਸੰਤੋਖ ਸਿੰਘ ਵਾਸੀ ਪਿੰਡ ਰਾਏਪੁਰ ਡੱਬਾ ਵਜੋਂ ਹੋਈ ਹੈ । ਜਿਨ੍ਹਾਂ ਨੂੰ ਗ੍ਰਿਫਤਾਰ ਕਰਕੇ ਐਕਸਾਈਜ਼ ਐਕਟ ਅਨੁਸਾਰ ਮੁਕੱਦਮਾ ਦਰਜ ਕਰ ਕੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ ।
No comments:
Post a Comment