ਥਾਣਾ ਬੰਗਾ ਸਿਟੀ ਪੁਲਿਸ ਵਲੋਂ ਨਸ਼ੀਲੀਆਂ ਗੋਲੀਆਂ ਸਮੇਤ ਇਕ ਕਾਬੂ -******-ਨਸ਼ਿਆਂ ਦੇ ਸੌਦਾਗਰਾਂ ਦੀ ਹੁਣ ਖੈਰ ਨਹੀਂ -- ਐਸ ਐਚ ਓ ਮਹਿੰਦਰ ਸਿੰਘ

ਬੰਗਾ 19 ਦਸੰਬਰ (ਮਨਜਿੰਦਰ ਸਿੰਘ,ਜੇ ਕੌਰ ਮੂੰਗਾ  ) ਥਾਣਾ ਬੰਗਾ ਸਿਟੀ ਪੁਲਿਸ ਵਲੋਂ 29, ਨਸ਼ੀਲੀਆਂ ਗੋਲੀਆਂ ਸਮੇਤ ਇਕ ਵਿਅਕਤੀ ਨੂੰ ਕਾਬੂ ਕਰਕੇ ਮਾਮਲਾ ਦਰਜ ਕੀਤਾ ਗਿਆ ਹੈ | ਇਸ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਬੰਗਾ ਦੇ ਐਸ ਐਚ ਓ  ਐਸ ਆਈ ਮਹਿੰਦਰ ਸਿੰਘ ਨੇ ਕਿਹਾ ਕਿ ਬੀਤੇ ਦਿਨ ਏ ਐਸ ਆਈ ਬਲਦੇਵ ਰਾਜ ਸਾਥੀ ਕਰਮਚਾਰੀਆਂ ਸਮੇਤ ਬੰਗਾ ਸਾਗਰ ਗੇਟ ਤੋਂ ਨਹਿਰ ਵੱਲ ਗਸ਼ਤ ਕਰਦੇ ਜਾ ਰਹੇ ਸਨ ਜਿਸ ਵੇਲੇ ਸਮਾਂ ਕਰੀਬ 4. 30 ਸ਼ਾਮ ਦਾ ਸੀ ਇਕ ਸਰਦਾਰ ਨੌਜਵਾਨ ਨਹਿਰ ਵੱਲ ਆਉਂਦਾ ਦਿਖਾਈ ਦਿਤਾ ਜਿਸ ਦੇ ਖੱਬੇ ਹੱਥ ਵਿੱਚ ਇਕ ਪਾਰਦਰਸ਼ੀ ਲਿਫ਼ਾਫ਼ਾ ਸੀ ਜਿਸ ਨੇ ਪੁਲਿਸ ਨੂੰ ਦੇਖ ਕੇ ਲਿਫ਼ਾਫ਼ਾ ਸੜਕ ਕਿਨਾਰੇ ਖੱਬੇ ਪਾਸੇ ਸੁੱਟ ਕੇ ਪਿੱਛੇ ਨੂੰ ਮੁੜਨ ਲਗਾ  ਸ਼ੱਕ ਪੈਣ ਤੇ ਏ ਐਸ ਆਈ ਨੇ ਸਾਥੀਆਂ ਦੀ ਮਦਦ ਨਾਲ ਉਸ ਨੂੰ ਕਾਬੂ ਕੀਤਾ ਸੁਟੇ ਲਿਫਾਫੇ ਨੂੰ ਚੈੱਕ ਕਰਨ ਤੇ ਉਸ ਵਿੱਚੋ 29 ਨਸ਼ੀਲੀਆਂ ਗੋਲੀਆਂ ਮਾਰਕਾ ਅਟੀਜੋਲਮ. 5 ਬਰਾਮਦ ਹੋਈਆਂ |ਕਾਬੂ ਕੀਤੇ ਵਿਅਕਤੀ ਦੀ  ਪਹਿਚਾਣ ਨਵਦੀਪ ਸਿੰਘ ਉਰਫ ਹਨੀ ਪੁੱਤਰ ਬਲਦੇਵ ਸਿੰਘ ਵਾਸੀ ਖਾਨਖਾਨਾ ਥਾਣਾ ਮੁਕੰਦਪੁਰ ਵਜੋਂ ਹੋਈ ਹੈ ਜਿਸ ਨੂੰ ਗ੍ਰਿਫਤਾਰ ਕਰਨ ਉਪਰੰਤ ਅ/ਧ 22ਐਨ ਡੀ ਪੀ ਐਸ ਐਕਟ ਤਹਿਤ ਮੁਕੱਦਮਾ ਨ :87 ਥਾਣਾ ਸਿਟੀ ਬੰਗਾ ਵਿੱਚ ਦਰਜ ਕੀਤਾ ਗਿਆ ਹੈ ਤੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ | ਐਸ ਐਚ ਓ ਮਹਿੰਦਰ ਸਿੰਘ ਨੇ ਨਸ਼ੇ ਦੇ ਸੌਦਾਗਰਾਂ ਨੂੰ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਦੇ ਹੁਕਮਾਂ, ਮਾਨਯੋਗ ਐਸ ਐਸ ਪੀ, ਐਸ ਬੀ ਐਸ ਨਗਰ ਸ਼੍ਰੀ ਭਾਗੀ ਰੱਥ ਮੀਨਾ ਅਤੇ ਡੀ ਐਸ ਪੀ ਸਬ ਡਵੀਸਨ ਬੰਗਾ ਸ ਸਰਵਣ ਸਿੰਘ ਬੱਲ  ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਨੱਸਿਆ ਤੇ ਜਲਦੀ ਸੰਪੂਰਨ ਠੱਲ ਪਾ ਦਿਤੀ ਜਾਵੇਗੀ ਅਤੇ ਕੌਈ ਵੀ ਨਸ਼ੇ ਵੇਚਣ ਵਾਲਾ ਬਕਸਿਆਂ ਨਹੀਂ ਜਾਵੇਗਾ|