ਮਿਸ਼ਨਰੀ ਸਿੰਗਰ ਪ੍ਰੇਮ ਲਤਾ ਦਾ ਅਸਟ੍ਰੇਲੀਆ ਦਾ ਟੂਰ

ਬੰਗਾ 17ਜਨਵਰੀ (ਮਨਜਿੰਦਰ ਸਿੰਘ) ਸ਼੍ਰੀ ਗੁਰੂ ਰਵਿਦਾਸ ਜੀ ਮਹਾਰਾਜ ਦੇ 646ਵੇਂ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਪ੍ਰੋਗਰਾਮ ਅਸਟ੍ਰੇਲੀਆ ਦੀਆਂ ਸਮੂਹ ਸੰਗਤਾਂ ਤੇ ਸਭਾਵਾਂ ਵਲੋਂ ਅਸਟ੍ਰੇਲੀਆ ਦੀਆਂ ਵੱਖ-ਵੱਖ ਸਟੇਟਾਂ ਵਿੱਚ ਕਰਵਾਏ ਜਾਣਗੇ।ਇਨ੍ਹਾਂ ਪ੍ਰੋਗਰਾਮਾਂ ਦਾ ਵੇਰਵਾ ਇਸ ਪ੍ਰਕਾਰ ਹੈ 4 ਅਤੇ 5 ਫਰਵਰੀ ਨੂੰ ਮੈਲਬੋਰਨ, 12 ਫਰਵਰੀ ਨੂੰ ਸਿਡਨੀ ਅਤੇ 19 ਫਰਵਰੀ ਨੂੰ ਬ੍ਰਿਸਬੇਨ ਵਿਖੇ ਕਰਵਾਏ ਜਾਣਗੇ। ਜਿਸ ਵਿੱਚ ਉਚੇਚੇ ਤੌਰ ਤੇ ਮਿਸ਼ਨਰੀ ਸਿੰਗਰ ਪ੍ਰੇਮ ਲਤਾ ਜੀ,ਸ਼੍ਰੀ ਗੁਰੂ ਰਵਿਦਾਸ ਜੀ ਅਤੇ ਬਾਬਾ ਸਾਹਿਬ ਡਾਕਟਰ ਅੰਬੇਡਕਰ ਜੀ ਦੇ ਸੰਬੰਧੀ ਆਪਣੀਆਂ ਰਚਨਾਵਾਂ ਰਾਹੀਂ ਸਮੂਹ ਸੰਗਤਾਂ ਨੂੰ ਨਿਹਾਲ ਕਰਨਗੇ। ਇਲਾਕੇ ਦੀਆਂ ਬਾਬਾ ਸਾਹਿਬ ਡਾਕਟਰ ਅੰਬੇਡਕਰ ਜੀ ਅਤੇ ਗੁਰੂ ਰਵਿਦਾਸ ਮਹਾਰਾਜ ਜੀ ਪ੍ਰਤੀ ਆਸਥਾ ਰੱਖਣ ਵਾਲੀਆਂ ਸਮੂਹ ਸੰਸਥਾਵਾਂ ਤੇ ਸੰਗਤਾਂ ਨੂੰ ਮਿਸ਼ਨਰੀ ਸਿੰਗਰ ਪ੍ਰੇਮ ਲਤਾ ਦਾ ਮਿਸ਼ਨਰੀ ਪ੍ਰੋਗਰਾਮ ਜਰੂਰ ਵੇਖਣਾ ਚਾਹੀਦਾ ਹੈ। ਪ੍ਰੈੱਸ ਨੂੰ ਇਹ ਜਾਣਕਾਰੀ 'ਬਲਜਿੰਦਰ ਰਤਨ'  ਚੇਅਰਮੈਨ ਸ਼੍ਰੀ ਗੁਰੂ ਰਵਿਦਾਸ ਸਭਾ ਸਿਡਨੀ ਨੇ ਦਿੱਤੀ।