ਬੰਗਾ 10 ਮਈ (ਮਨਜਿੰਦਰ ਸਿੰਘ, ਧਰਮਵੀਰ ਪਾਲ) ਜਿਲ੍ਹਾ ਸਹੀਦ ਭਗਤ ਸਿੰਘ ਨਗਰ ਦੇ ਪਿੰਡ ਖਟਕੜ ਖੁਰਦ ਵਿੱਖੇ ਪਿੰਡ ਨਿਵਾਸੀਆ ਵਲੋਂ ਭਾਰਤ ਪਾਕ ਯੁੱਧ ਖ਼ਤਮ ਹੋਣ ਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਧੰਨਵਾਦ ਕੀਤਾ। ਪਿੰਡ ਖਟਕੜ ਖੁਰਦ ਦੇ ਸਾਬਕਾ ਸਰਪੰਚ ਅਤੇ ਸੀਨੀਅਰ ਕਾਂਗਰਸ ਆਗੂ ਰਾਮ ਲੁਭਾਇਆ ਨੇ ਕਿਹਾ ਕਿ ਦੋਨੋਂ ਦੇਸਾ ਵਲੋਂ ਮਨੁੱਖਤਾ ਦੇ ਭਲੇ ਲਈ ਸਮਝੌਤਾ ਕਰਦੇ ਹੋਏ ਯੁੱਧ ਨੂੰ ਖਤਮ ਕਰਨਾ ਬਹੁਤ ਸ਼ਲਾਘਾਯੋਗ ਫੈਸਲਾ ਹੈ । ਉਹਨਾਂ ਅਮੇਰੀਕਾ ਰਾਸ਼ਟਰਪਤੀ ਡੋਨਲਡ ਟਰੰਪ ਦੀ ਵਿਚੋਲਗੀ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਭਾਰਤਵਾਸੀ ਟਰੰਪ ਦਾ ਦੇਣਾ ਕਦੇ ਵੀ ਨਹੀ ਦੇ ਸਕਦੇ ਜਿਸ ਨੇ ਦੋਨਾਂ ਦੇਸ਼ਾਂ ਦੀ ਮਨੁੱਖਤਾ ਨੂੰ ਬਚਾਇਆ ਇਸ ਨਾਲ਼ ਵੱਡੀ ਗਿਣਤੀ ਵਿੱਚ ਔਰਤਾ ਵਿਧਵਾ ਹੋਣ ਬੱਚੇ ਅਨਾਥ ਹੋਣ ਤੇ ਭੈਣਾਂ ਦੇ ਵੀਰ ਮਰਨੋ ਬੱਚ ਗਏ ਹਨ ਉਹਨਾਂ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਵੱਲੋਂ ਵੀ ਭਾਈਚਾਰਕ ਸਾਂਝ ਨੂੰ ਸਮਝਦੇ ਹੋਏ ਯੁੱਧ ਵਿਰਾਮ ਕਰਨ ਵਿੱਚ ਸਹਿਮਤੀ ਜਿਤਾਉਣ ਦੀ ਸਲਾਘਾ ਅਤੇ ਧੰਨਵਾਦ ਕੀਤਾ ਉਹਨਾਂ ਕਿਹਾ ਕਿ ਭਵਿੱਖ ਵਿੱਚ ਪਾਕਿਸਤਾਨ ਨੂੰ ਵੀ ਚਾਹੀਦਾ ਹੈ ਕਿ ਉਹ ਅੱਤਵਾਦੀਆਂ ਨੂੰ ਸ਼ਰਨ ਦੇਣੀ ਛੱਡ ਕੇ ਆਪਣੇ ਦੇਸ਼ ਦੀ ਤਰੱਕੀ ਲਈ ਉਪਰਾਲੇ ਕਰੇ। ਇਸ ਮੋਕੇ ਸਾਬਕਾ ਸਰਪੰਚ ਅਤੇ ਟਕਸਾਲੀ ਕਾਂਗਰਸੀ ਆਗੂ ਰਾਮ ਲੁਭਾਇਆ,ਜਤਿੰਦਰ ਸਿੰਘ ਸੋਤਰਾ ਅਤੇ ਮਲਕੀਤ ਸਿੰਘ ਖਟਕੜ ਖੁਰਦ ਆਦ ਹਾਜ਼ਰ ਸਨ।
No comments:
Post a Comment