ਆਸ ਸੁਸਾਇਟੀ ਨੇ ਬੱਚਿਆਂ ਨੂੰ ਲਿਖਣ ਸਮੱਗਰੀ ਵੰਡੀ------:ਬੱਚਿਆਂ ਦੀ ਭਲਾਈ ਲਈ ਹੋਰ ਸਹਾਇਤਾ ਦਿੱਤੀ ਜਾਵੇਗੀ--ਬਲਦੀਸ਼ ਕੌਰ

ਬੰਗਾ10 ਜਨਵਰੀ (ਮਨਜਿੰਦਰ ਸਿੰਘ):-ਆਸ ਸੋਸ਼ਲ ਵੈਲਫੇਅਰ ਸੁਸਾਇਟੀ ਪੰਜਾਬ ਦੀ ਬੰਗਾ ਇਕਾਈ ਦੀ ਪ੍ਰਧਾਨ ਬਲਦੀਸ਼ ਕੌਰ ਬੰਗਾ ਦੀ ਯੋਗ ਅਗਵਾਈ ਵਿੱਚ ਪਿੰਡ ਭਰੋਮਜਾਰਾ ਵਿਖੇ ਸ਼੍ਰੀ ਕਾਂਸ਼ੀ ਰਾਮ ਲਾਇਬ੍ਰੇਰੀ ਵਿਖੇ ਪੜ੍ਹ ਰਹੇ ਬੱਚਿਆਂ ਨੂੰ ਲਿਖਣ ਸਮੱਗਰੀ ਵੰਡੀ। ਇੱਥੇ ਪਹੁੰਚਣ ਤੇ ਬੱਚਿਆਂ ਅਤੇ ਲਾਇਬ੍ਰੇਰੀ ਦੇ ਮੁੱਖ ਪ੍ਰਬੰਧਕ ਸੋਮਨਾਥ ਸਿੰਘ ਨੇ ਪ੍ਰਧਾਨ ਬਲਦੀਸ਼ ਕੌਰ ਬੰਗਾ ਦਾ ਸਵਾਗਤ ਕੀਤਾ। ਬੱਚਿਆਂ ਨੇ ਦੇਸ਼ ਪ੍ਰੇਮ , ਸ਼ਹੀਦੀ ਸਾਹਿਬਜਾਦੇ ਅਤੇ ਹੋਰ ਵਿਸ਼ਿਆਂ ਤੇ ਕਵਿਤਾਵਾਂ ਪੇਸ਼ ਕੀਤੀਆਂ। ਇਸ ਮੌਕੇ ਪ੍ਰਧਾਨ ਬਲਦੀਸ਼ ਕੌਰ ਬੰਗਾ ਨੇ ਬੱਚਿਆਂ ਨੂੰ ਲਿਖਣ ਸਮੱਗਰੀ ਜਿਸ ਵਿੱਚ ਕਾਪੀਆਂ ਅਤੇ ਪੈਨਸਲਾਂ ਆਦਿ ਸ਼ਾਮਲ ਸਨ ਵੰਡੀ ਗਈ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਉਹ ਬੱਚਿਆਂ ਨੂੰ ਪੜ੍ਹਾਈ ਦੀ ਸਮੱਗਰੀ ਦੇ ਨਾਲ ਨਾਲ ਹੋਰ ਸਹਾਇਤਾ ਵੀ ਪ੍ਰਦਾਨ ਕਰਨਗੇ। ਮੁੱਖ ਪ੍ਰਬੰਧਕ ਸੋਮਨਾਥ ਸਿੰਘ ਨੇ ਬਲਦੀਸ਼ ਕੌਰ ਨੂੰ ਲਾਇਬ੍ਰੇਰੀ ਵਲੋਂ "ਚਮਚਾ ਯੁੱਗ" ਦੀਆਂ 5 ਕਿਤਾਬਾਂ ਦਾ ਸੈੱਟ ਭੇਂਟ ਕੀਤਾ। ਇਸ ਮੌਕੇ ਸੁੱਖਜੀਤ ਕੌਰ ਪੂੰਨੀਆਂ, ਟੀਚਰ ਕਮਲ,ਮੀਡੀਆ ਇੰਚਾਰਜ ਨਵਕਾਂਤ ਭਰੋਮਜਾਰਾ ਅਤੇ ਬੱਚੇ ਹਾਜਰ ਸਨ। ਸਟੇਜ ਸਕੱਤਰ ਦੀ ਭੂਮਿਕਾ ਨਵਕਾਂਤ ਭਰੋਮਜਾਰਾ ਵਲੋਂ ਬਾਖੂਬੀ ਨਿਭਾਈ ਗਈ।