ਥਾਣਾ ਸਿਟੀ ਬੰਗਾ ਪੁਲੀਸ ਵਲੋ 420/406 ਧਾਰਾ ਤਹਿਤ ਇਟਲੀ ਭੇਜਣ ਦੇ ਨਾਮ ਤੇ 175000 ਦੀ ਠੱਗੀ ਮਾਰਨ ਵਾਲਾ, ਮਾਨਯੋਗ ਅਦਾਲਤ ਤੋਂ ਭਗੌੜਾ ਦੋਸੀ ਕਾਬੂ ਕੀਤਾ ਗਿਆ ਹੈ|ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਬੰਗਾ ਦੇ ਮੁੱਖ ਥਾਣਾ ਅਫਸਰ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਸੁਖਬੀਰ ਸਿੰਘ ਵਾਸੀ ਨੋਰਾ ਦੀ ਸ਼ਿਕਾਇਤ ਤੇ ਉਕਤ 175000 ਦੀ ਠੱਗੀ ਮਾਰਨ ਤੇ ਭੁਪਿੰਦਰ ਸਿੰਘ ਪੁੱਤਰ ਕਸ਼ਮੀਰ ਸਿੰਘ ਵਾਸੀ ਭਰੋਮਜਾਰਾ ਥਾਣਾ ਸਦਰ ਬੰਗਾ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਸੀ ।ਮਾਨਯੋਗ ਅਦਾਲਤ ਤੋਂ ਜਮਾਨਤ ਮਿਲਣ ਉਪਰੰਤ ਦੋਸੀ ਅਦਾਲਤ ਵਿੱਚ ਪੇਸ਼ ਨਾ ਹੋਣ ਕਾਰਨ ਅਦਾਲਤ ਵਲੋ 28.2.2023 ਨੂੰ ਧਾਰਾ 299 ਸੀ ਆਰ ਪੀ ਐਸ਼ ਅਧੀਨ ਪੀ ਓ ਕਰਾਰ ਕਰ ਦਿੱਤਾ ਗਿਆ ਸੀ | ਉਨਾਂ ਦੱਸਿਆ ਕਿ ਅੱਜ ਦੋਸੀ ਨੂੰ ਹਸਬ ਜਾਬਤਾ ਗ੍ਰਿਫਤਾਰ ਕਰਕੇ ਮਾਨਯੋਗ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਅਦਾਲਤ ਨੇ ਦੋਸ਼ੀ ਨੂੰ ਜੁਡੀਸ਼ੀਅਲ ਹਿਰਾਸਤ ਵਿੱਚ ਭੇਜਣ ਦੇ ਹੁਕਮ ਦਿਤੇ ਹਨ।
No comments:
Post a Comment