ਬੰਗਾ ਚਰਚ ਵਿਖੇ ਕ੍ਰਿਸਮਿਸ ਦਾ ਸ਼ੁਭ ਦਿਨ ਸ਼ਰਧਾ ਪੂਰਵਕ ਮਨਾਇਆ:

ਬੰਗਾ 26 ਦਸੰਬਰ (ਮਨਜਿੰਦਰ ਸਿੰਘ) ਬੰਗਾ ਦੇ ਹੋਲੀ ਚਰਚ ਵਿਖੇ ਕ੍ਰਿਸਮਿਸ ਦਾ ਸ਼ੁਭ ਦਿਹਾੜਾ ਬਹੁਤ ਸ਼ਰਧਾ ਭਾਵਨਾ ਤੇ ਖੁਸ਼ੀ ਨਾਲ ਮਨਾਇਆ ਗਿਆ ਇਸ ਮੌਕੇ ਭਾਰੀ ਗਿਣਤੀ ਵਿੱਚ ਸੰਗਤਾਂ ਦਾ ਇਕੱਠ ਹੋਇਆ। ਪਾਸਟਰ ਮੀਨਾ ਰਾਣੀ ਨੇ ਇਸ ਮੌਕੇ ਆਈਆਂ ਹੋਈਆਂ  ਸੰਗਤਾਂ ਨੂੰ ਅਤੇ ਪੂਰੀ ਦੁਨੀਆਂ ਦੇ ਲੋਕਾਂ ਨੂੰ ਕ੍ਰਿਸਮਸ ਦੀ ਵਧਾਈ ਦਿੱਤੀ ਅਤੇ ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਸਬੰਧੀ ਆਪਣੇ ਪਵਿੱਤਰ ਵਚਨਾਂ ਰਾਹੀ ਸੰਗਤਾਂ ਨੂੰ ਨਿਹਾਲ ਕੀਤਾ ਉਹਨਾਂ ਕਿਹਾ ਕਿ ਹਰ ਇਨਸਾਨ ਪਾਪ ਕਰਦਾ ਹੈ ਪਰ ਕਹਿੰਦਾ ਹੈ ਕਿ ਮੈਂ ਕੋਈ ਪਾਪ ਨਹੀਂ ਕੀਤਾ ਪਾਪ ਦਾ ਇਲਾਜ ਸਿਰਫ ਪ੍ਰਭੂ ਯਿਸ਼ੂ ਮਸੀਹ ਕੋਲ ਹੈ ਪ੍ਰਭੂ ਯਿਸ਼ੂ ਮਸੀਹ  ਸਾਡੇ ਉਧਾਰ ਕਰਤਾ ਅਤੇ ਮੁਕਤੀ ਦਾਤਾ ਹਨ ਉਹਨਾਂ ਕਿਹਾ ਕਿ ਇਹ ਪ੍ਰਚਾਰ ਗਲਤ ਹੈ ਕਿ ਪ੍ਰਭੂ ਯਿਸ਼ੂ ਮਸੀਹ ਨਾਲ ਜੋੜਨ ਲਈ ਕਿਸੇ ਤਰ੍ਹਾਂ ਦਾ ਲਾਲਚ ਦਿੱਤਾ ਜਾਂਦਾ ਹੈ ਉਹਨਾਂ ਕਿਹਾ ਕਿ ਦੁਖੀ ਬੇਸਹਾਰਾ ਲੋੜਵੰਦਾਂ ਦੀ ਮਦਦ ਜਰੂਰ ਕੀਤੀ ਜਾਂਦੀ ਹੈ। ਇਸ ਮੌਕੇ ਯਿਸ਼ੂ ਮਿਸ਼ੂ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਗਿਆ ਅਤੇ ਆਈਆਂ ਹੋਈਆਂ ਸੰਗਤਾਂ ਵੱਲੋ ਪ੍ਰਭੂ ਦੀ ਮਹਿਮਾ ਦੇ ਗੁਣ ਗਾਣ ਦੇ ਨਾਲ ਗਿੱਧਾ ਭੰਗੜਾ ਪਾਇਆ ਗਿਆ, ਹਾਲੇਲੂਈਆ ਦੇ ਜੈਕਾਰੇ ਲਾਏ ਗਏ ਅਤੇ ਸੰਗਤਾਂ ਨੂੰ ਲੰਗਰ ਵਰਤਾਇਆ ਗਿਆ ਇਸ ਮੌਕੇ ਭਾਰੀ ਗਿਣਤੀ ਵਿੱਚ ਸੰਗਤਾਂ ਤੋਂ ਇਲਾਵਾ ਪਾਸਟਰ ਮੀਨਾ ਰਾਣੀ, ਏਵੰਜਲਿਸਟ ਅਨਮੋਲ ਸੰਨੀ ਮਸੀਹ ਮਨੀ ਮਸੀਹ ,ਰੋਹਿਤ, ਮਨਜੀਤ ਪਿੰਕੀ ,ਸੀਮਾ ,ਅਨੀਤਾ ,ਰਜਨੀ, ਕਮਲ ਆਦਿ ਹਾਜਰ ਸਨ