ਸੜਕ ਹਾਦਸੇ ਚ ਕਾਰ ਚਾਲਕ ਦੀ ਮੌਤ

ਬੰਗਾ,11ਮਾਰਚ ( ਮਨਜਿੰਦਰ ਸਿੰਘ) ਬੰਗਾ ਵਿਖੇ    ਬੀਤੀ  10-11 ਮਾਰਚ ਦੀ ਰਾਤ ਕਰੀਬ 12 ਵਜੇ ਨਵੇਂ ਬਣ ਰਹੇ ਫਲਾਈਓਵਰ ਦੇ ਥੱਲੇ ਬੰਗਾ ਨਵਾਂਸ਼ਹਿਰ ਰੋਡ ਤੇ ਹੋਏ ਹਾਦਸੇ ਵਿੱਚ ਇਕ ਵਿਅਕਤੀ ਦੀ ਮੌਤ ਹੋਣ ਦਾ ਸਮਾਚਾਰ ਮਿਲਿਆ ਹੈ ।ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਬੰਗਾ ਸਿਟੀ ਥਾਣੇ ਦੇ ਸਬ ਇੰਸਪੈਕਟਰ ਬਲਵੰਤ ਸਿੰਘ   ਨੇ ਦੱਸਿਆ ਕਿ ਬੀਤੀ ਰਾਤ ਕਰੀਬ ਬਾਰਾਂ ਵਜੇ ਗੁਰਵਿੰਦਰ ਸਿੰਘ ਪੁੱਤਰ ਧਰਮ ਸਿੰਘ ਵਾਸੀ  ਦਾਤਾਰ  ਨਗਰ ਰਾਮਾ ਮੰਡੀ ਜਲੰਧਰ  ਉਮਰ ਕਰੀਬ 32 ਸਾਲ ਜਲੰਧਰ ਤੋਂ ਆਪਣੇ ਸੁਸਰਾਲ ਦੁਰਗਾਪੁਰ ਨਜ਼ਦੀਕ  ਨਵਾਂਸ਼ਹਿਰ ਜਾ ਰਿਹਾ ਸੀ ਕਿ ਬੰਗਾ ਨਵਾਂਸ਼ਹਿਰ ਰੋਡ ਤੇ ਗੁਰੂ ਨਾਨਕ ਕਾਲਜ ਫਾਰ ਵੂਮੈਨ ਦੇ ਸਾਹਮਣੇ ਇਕ ਡਿਵਾਈਡਰ ਨਾਲ ਇਸ ਦੀ ਕਾਰ ਟਕਰਾ ਗਈ , ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ ।ਉਨ੍ਹਾਂ ਕਿਹਾ ਕਿ ਹਾਦਸੇ ਦੇ ਹਾਲਾਤ ਤੋਂ ਲੱਗ ਰਿਹਾ ਹੈ ਕਿ ਰਾਤ ਦੇਰ ਦਾ ਸਮਾਂ ਹੋਣ ਕਰਕੇ  ਮ੍ਰਿਤਕ ਨੂੰ ਨੀਂਦ ਆਉਣ ਕਾਰਨ ਇਹ ਹਾਦਸਾ ਵਾਪਰਿਆ ਹੈ।ਉਨ੍ਹਾਂ ਦੱਸਿਆ ਕਿ ਮ੍ਰਿਤਕ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜਿਆ ਗਿਆ ਹੈ ਰਿਪੋਰਟ ਆਉਣ ਅਤੇ ਮ੍ਰਿਤਕ ਦੇ ਰਿਸ਼ਤੇਦਾਰਾਂ ਦੇ ਬਿਆਨ ਲੈਣ ਉਪਰੰਤ ਲੋੜੀਂਦੀ ਅਗਲੀ   ਕਾਰਵਾਈ ਕੀਤੀ ਜਾਵੇਗੀ।