ਮਨੁੱਖੀ ਅਧਿਕਾਰ ਮੰਚ ਪੰਜਾਬ ਵੱਲੋਂ ਪਿੰਡ ਮੰਗੂਵਾਲ ਵਿੱਚ ਬੂਟੇ ਲਗਾਏ - ਧਰਮਵੀਰ ਪਾਲ

ਬੰਗਾ 3,ਅਗਸਤ (ਮਨਜਿੰਦਰ ਸਿੰਘ )ਮਨੁੱਖੀ ਅਧਿਕਾਰ ਮੰਚ (ਰਜਿ) ਪੰਜਾਬ ਇੰਡੀਆ ਵਲੋਂ ਰੁੱਖ ਲਗਾਓ,ਦੇਸ਼ ਬਚਾਓ,ਆਕਸੀਜਨ ਵਧਾਓ ਦੀ ਲੜੀ ਦੇ ਤਹਿਤ ਕੌਮੀ ਪ੍ਰਧਾਨ ਡਾ: ਜਸਵੰਤ ਸਿੰਘ ਖੇੜਾ ਜੀ ਅਤੇ ਸਰਪ੍ਰਸਤ  ਰਾਮ ਜੀ ਲਾਲ  ਦੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰਦੇ ਹੋਏ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਪਿੰਡ ਮੰਗੂਵਾਲ ਵਿੱਚ ਬੂਟੇ ਲਗਾਏ ਗਏ।ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਮੰਚ ਦੇ ਦੋਆਬਾ ਜੋਨ ਦੇ ਮੀਡੀਆ ਕੰਟਰੋਲਰ ਧਰਮਵੀਰ ਪਾਲ ਨੇ ਕਿਹਾ ਕਿ ਵਾਤਾਵਰਨ ਦੀ ਰੱਖਿਆ ਲਈ ਵੱਧ ਤੋਂ ਵੱਧ ਦਰਖ਼ਤ ਲਗਾਉਣੇ ਚਾਹੀਦੇ ਹਨ । ਉਨ੍ਹਾਂ ਵਿਸਥਾਰਪੂਰਵਕ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ  ਇਸ ਮੌਕੇ ਤਕਰੀਬਨ 100 ਬੂਟਾ ਗੁਰਬਚਨ ਸਿੰਘ ਦੀ ਅਗਵਾਈ ਵਿੱਚ ਅਤੇ ਅਰਜੁਨ ਦੇਵ ਵਰਮਾ ਦੀ ਪ੍ਰਧਾਨਗੀ ਵਿਚ ਲਗਾਇਆ ਗਿਆ।  ਇਸ ਮੌਕੇ ਮੰਚ ਦੇ ਸਰਪ੍ਰਸਤ ਰਾਮ ਜੀ ਲਾਲ ਨੇ ਦੱਸਿਆ ਕੇ ਮਨੁੱਖੀ ਅਧਿਕਾਰ ਮੰਚ ਵਾਤਾਵਰਣ ਦੀ ਰੱਖਿਆ ਲਈ ਬੂਟੇ ਲਗਵਾਉਣ ਵਾਲਿਆਂ ਨੂੰ ਬਿਲਕੁਲ ਮੁਫ਼ਤ ਬੂਟੇ ਮੁਹਈਆ ਕਰਾਏਗਾ। ਇਸ ਮੌਕੇ ਪਿੰਡ ਦੇ ਸਾਬਕਾ ਸਰਪੰਚ ਜਸਵੰਤ ਖਟਕੜ  ਨੇ ਮਨੁੱਖੀ ਅਧਿਕਾਰ ਮੰਚ ਨੂੰ ਇਸ ਗੱਲ ਦਾ ਪੂਰਨ ਭਰੋਸਾ ਦਿਵਾਇਆ ਕਿ ਉਹ ਲਗਾਏ ਗਏ ਬੂਟਿਆਂ ਦੀ ਦੇਖਭਾਲ ਆਪਣੀ ਦੇਖ ਰੇਖ ਹੇਠ ਕਰਨਗੇ। ਮੰਚ ਦੇ ਸਲਾਹਕਾਰ ਕਮੇਟੀ ਪੰਜਾਬ ਦੇ ਚੇਅਰਮੈਨ ਸ: ਗੁਰਬਚਨ ਸਿੰਘ ਸੈਣੀ ਜੀ ਨੇ ਆਪਣੇ ਵਿਚਾਰ ਰੱਖਦੇ ਹੋਏ ਦੱਸਿਆ ਕਿ ਸਾਰੇ ਮੈਂਬਰ ਅਤੇ ਅਹੁਦੇਦਾਰ ਵੱਧ ਤੋਂ ਵੱਧ ਨਿਯੁਕਤੀਆਂ ਕਰਕੇ ਮਨੁੱਖੀ ਅਧਿਕਾਰ ਮੰਚ ਦੀ ਟੀਮ ਨੂੰ ਮਜ਼ਬੂਤ ਕਰਨ। ਇਸ  ਮੌਕੇ ਪਿੰਡ ਦੇ ਪਤਵੰਤੇ ਸੱਜਣਾਂ ਤੋਂ ਇਲਾਵਾ ਨਵਕਾਂਤ ਭਰੋਮਜ਼ਾਰਾ ਮੰਚ ਦੇ ਮੀਡੀਆ ਕੰਟਰੋਲਰ ਪੰਜਾਬ, ਦੋਆਬਾ ਜ਼ੋਨ ਦੇ ਸਲਾਹਕਾਰ ਕਮੇਟੀ ਦੇ ਚੇਅਰਮੈਨ ਗੁਰਦੀਪ ਸਿੰਘ ਸੈਣੀ, ਉੱਘੇ ਲਿਖਾਰੀ  ਹਰਬੰਸ ਹੀਓਂ, ਉੱਘੇ ਗੀਤਕਾਰ ਦੀਪ ਕਲੇਰ, ਕੁਲਦੀਪ ਸੂਦ,  ਬਲਜਿੰਦਰ ਕੁਮਾਰ ਬਿੱਲਾ, ਜਸਬੀਰ ਰਲ੍ਹ, ਸੁਰਜੀਤ ਸਿੰਘ ਰਾਏ, ਗੁਰਪ੍ਰੀਤ ਸਾਧਪੁਰੀ, ਸ਼ਰਨਜੀਤ ਸਿੰਘ ਬੇਦੀ ਆਦਿ ਹਾਜਰ ਸਨ