ਬੰਗਾ ਥਾਣਾ ਸਿਟੀ ਪੁਲਿਸ ਵਲੋਂ ਮੁਸਤੈਦੀ ਦਿਖਾਉਂਦੇ ਹੋਏ ਚੋਰੀ ਦੇ ਸਮਾਂਨ ਸਮੇਤ 2 ਦਿਨਾਂ ਵਿੱਚ ਚੋਰ ਕਾਬੂ :

ਬੰਗਾ 8,ਫਰਵਰੀ (ਮਨਜਿੰਦਰ ਸਿੰਘ ) ਬੰਗਾ ਥਾਣਾ  ਸਿਟੀ ਪੁਲਿਸ ਵਲੋਂ ਬੰਗਾ ਸ਼ਹਿਰ ਵਿੱਚ 2 ਦਿਨ ਪਹਿਲਾ ਹੋਈ ਚੋਰੀ ਦੇ ਸਮਾਂਨ ਸਮੇਤ 3 ਦੋਸ਼ੀਆਂ ਨੂੰ ਕਾਬੂ ਕੀਤਾ ਗਿਆ ਹੈ ਜਿਨ੍ਹਾਂ ਵਿੱਚ ਇੱਕ ਨਾਬਾਲਿਗ ਵੀ ਸ਼ਾਮਲ ਹੈ |ਜਾਣਕਾਰੀ ਦਿੰਦੇ ਹੋਏ ਥਾਣਾ ਸਿਟੀ ਬੰਗਾ ਦੇ ਐਸ ਐਚ ਓ ਮਹਿੰਦਰ ਸਿੰਘ  ਨੇ ਦੱਸਿਆ ਕਿ ਮਿਤੀ 3. 2.2023 ਨੂੰ ਬਿਮਲ ਕੁਮਾਰ ਪੁੱਤਰ ਤੇਲੂ ਰਾਮ ਵਾਸੀ ਕਪੂਰਾ ਮਹਲਾ ਬੰਗਾ ਦੇ ਬਿਆਨ ਲਿਖਵਾਇਆ ਸੀ ਕਿ ਰਾਤ ਸਮੇਂ ਕਿਸੇ ਕਾਰਨ ਉਸ ਦੇ ਭਤੀਜੇ ਗੌਰਵ ਸੂਧਨ ਦੇ ਘਰ ਕੋਈ ਨਾ ਹੋਣ ਕਾਰਨ ਕਿਸੇ ਨਾ ਮਾਲੂਮ ਵਿਅਕਤੀ ਵਲੋਂ ਘਰ ਦੇ ਤਾਲੇ ਤੋੜ ਕੇ ਚੋਰੀ ਕਰ ਲਈ ਸੀ ਤਾਂ ਥਾਣਾ ਸਿਟੀ ਬੰਗਾ ਵਲੋਂ ਮੁਕਦਮਾ ਦਰਜ ਰਜਿਸਟਰ ਕੀਤਾ ਗਿਆ ਸੀ |ਐਚ ਐਚ ਓ ਨੇ ਕਿਹਾ ਕਿ ਐਸ ਐਸ ਪੀ ਸਾਹਿਬ ਸ਼੍ਰੀ ਭਾਗੀ ਰੱਥ ਸਿੰਘ ਮੀਨਾ ਅਤੇ ਡੀ ਐਸ ਪੀ ਬੰਗਾ ਸਰਵਣ ਸਿੰਘ ਬੱਲ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਪੁਲਿਸ ਵਲੋਂ ਦੋਸ਼ੀਆਂ ਨੂੰ 2 ਦਿਨਾਂ ਵਿੱਚ ਕਾਬੂ ਕਰਕੇ, 2 ਚੋਰੀ ਕੀਤੇ ਮੋਬਾਈਲ ਅਤੇ 2 ਐਲ ਸੀ ਡੀ ਬਰਾਮਦ ਕੀਤੀਆਂ ਹਨ | ਦੋਸ਼ੀ ਹਰਸ਼ ਪੁੱਤਰ ਕਰਮਜੀਤ ਵਾਸੀ ਸੰਤੋਖ ਨਗਰ ਬੰਗਾ, ਪੰਕਜ ਉਰਫ ਪੰਕੁ ਪੁੱਤਰ ਚੰਦ ਵਾਸੀ ਪਲਾਹੀ ਰੋਡ ਫਗਵਾੜਾ ਤੇ ਹਰਜੋਤ ਕੁਮਾਰ ਉਰਫ ਮਨੀਸ਼ ਪੁੱਤਰ ਨਿੰਮਾ ਵਾਸੀ ਖਾਟੀ ਥਾਣਾ ਸਦਰ ਫਗਵਾੜਾ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ  |ਦੋਸ਼ੀ ਹਰਸ਼ ਜੋ ਕਿ ਜੁਮਨਾਇਲ ਹੈ ਨੂੰ  ਮਾਨਯੋਗ  ਅਦਾਲਤ ਵਿੱਚ ਪੇਸ਼ ਕਰਨ ਉਪਰੰਤ ਬੋਰਸਟੱਲ ਜੇਲ ਹੋਸ਼ਿਆਰਪੁਰ ਬੰਦ ਕਰਵਾਇਆ ਗਿਆ ਅਤੇ ਦੂਸਰੇ ਦੋ ਦੋਸ਼ੀਆਂ ਨੂੰ ਅਦਾਲਤ ਪੇਸ਼ ਕਰ ਕੇ 2 ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ | ਐਸ ਐਚ ਓ ਮਹਿੰਦਰ ਸਿੰਘ ਨੇ  ਹੋਰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪੁਲਿਸ ਰਿਮਾਂਡ ਵਿੱਚ ਲਏ ਦੋ ਦੋਸ਼ੀਆਂ  ਖਿਲਾਫ ਲੁੱਟ ਖੋ ਦਾ ਮਾਮਲਾ ਥਾਣਾ ਫਗਵਾੜਾ ਵਿੱਚ ਵੀ ਦਰਜ ਹੈ ਅਤੇ ਪੁੱਛ ਗਿੱਛ ਉਪਰੰਤ ਹੋਰ ਖੁਲਾਸੇ ਅਤੇ ਬਰਾਮਦਗੀ ਹੋਣ ਦੀ ਆਸ ਹੈ | ਪੁਲਿਸ ਵਲੋਂ ਚੋਰਾਂ ਨੂੰ ਕਾਬੂ ਅਤੇ ਚੋਰੀ ਦਾ ਸਮਾਨ ਬ੍ਰਾਮਦ ਕਰਨ ਬਾਰੇ ਜਦੋ ਸ਼ਿਕਾਇਤ ਕਰਤਾ ਵਿਮਲ ਕੁਮਾਰ ਸੁਦੰਨ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਪੁਲਿਸ ਦੀ ਮੁਸਤੈਦੀ ਦੀ ਸਲਾਘਾ ਕਰਦਿਆਂ ਪੁਲਿਸ ਦਾ ਧੰਨਵਾਦ ਕੀਤਾ| ਵਰਨਣ ਯੋਗ ਹੈ ਕਿ ਜਿਸ ਤਰਾਂ ਮੁਸਤੈਦੀ ਦਿਖਾਉਂਦੇ ਹੋਏ ਬੰਗਾ ਸਿਟੀ ਪੁਲਿਸ ਵਲੋਂ ਚੋਰਾਂ ਨੂੰ ਕੁਝ ਘੰਟਿਆਂ ਵਿੱਚ ਕਾਬੂ ਕੀਤਾ ਗਿਆ ਹੈ ਬੰਗਾ ਇਲਾਕੇ ਵਿੱਚ ਇਸ ਦੀ ਬਹੁਤ ਚਰਚਾ ਹੈ ਤੇ ਲੋਕ ਪੁਲਿਸ ਦੀ  ਭਰਭੂਰ ਸਲਾਘਾ ਕਰ ਰਹੇ ਹਨ |