ਚੋਰੀ ਦੇ ਮੋਟਰਸਾਈਕਲ ਸਮੇਤ ਦੋਸੀ ਕਾਬੂ - ਐਸ ਐਚ ਓ ਮਹਿੰਦਰ ਸਿੰਘ

ਬੰਗਾ 12,ਜੁਲਾਈ (ਮਨਜਿੰਦਰ ਸਿੰਘ )ਥਾਣਾ ਬੰਗਾ ਸਿਟੀ ਪੁਲਿਸ ਵੱਲੋਂ ਚੋਰੀ ਦੇ ਮੋਟਰਸਾਈਕਲ ਸਮੇਤ ਚੋਰ ਨੂੰ ਕਾਬੂ ਕਰਕੇ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਬੰਗਾ ਦੇ ਐਸ ਐਚ ਓ ਸ: ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਕੁਲਵੰਤ ਕੌਰ ਪਤਨੀ ਬਲਬੀਰ ਸਿੰਘ ਵਾਸੀ ਮਾਲੋਮਜਾਰਾ ਥਾਣਾ ਮੁਕੰਦਪੁਰ ਦੇ ਬਿਆਨਾਂ ਤੇ ਮੁਕੱਦਮਾ ਦਰਜ ਹੋਇਆ ਸੀ ਕਿ ਮਿਤੀ 7ਜੁਲਾਈ ਵਕਤ ਕਰੀਬ 10ਵਜੇ ਸਵੇਰ ਬੱਸ ਸਟੈਂਡ ਬੰਗਾ ਪੁਲ ਦੇ ਥਲੇ ਮੋਟਰਸਾਈਕਲ ਪੀ ਬੀ 32 ਆਰ 2209 ਮਾਰਕਾ ਸਪਲੈਂਡਰ ਖੜ੍ਹਾ ਕਰਕੇ ਜਲੰਧਰ ਬੱਸ ਫੜ ਕੇ ਦਵਾਈ ਲੈਣ ਚਲੇ ਗਏ ਸਨ।ਜਦੋਂ ਕਰੀਬ 3.30 ਵਜੇ ਵਾਪਿਸ ਆਏ ਤਾਂ ਮੋਟਰਸਾਈਕਲ ਨਹੀਂ ਸੀ।ਜਿਸ ਦੀ ਭਾਲ ਕਰਨ ਤੇ ਪਤਾ ਲੱਗਾ ਕੇ ਉਕਤ ਮੋਟਰਸਾਈਕਲ ਸਤਵੀਰ ਸਿੰਘ ਉਰਫ਼ ਸੰਨ੍ਹੀ ਪੁੱਤਰ ਜਸਵਿੰਦਰ ਸਿੰਘ ਵਾਸੀ ਮੱਲੂਪੋਤਾ ਨੇ ਚੋਰੀ ਕੀਤਾ ਹੈ।ਜਿਸ ਤੇ ਹਵਾਲਦਾਰ ਪਰਮੇਸ਼ ਕੁਮਾਰ ਨੇ ਕਾਰਵਾਈ ਕਰਦਿਆਂ ਜੁਰਮ 379,411 ਭ ਦ ਤਹਿਤ ਮੁਕੱਦਮਾ ਦਰਜ ਕਰ ਕੇ ਤਫਤੀਸ ਅਮਲ ਵਿਚ ਲਿਆਂਦੀ ਅਤੇ ਦੋਸੀ ਨੂੰ ਗ੍ਰਿਫ਼ਤਾਰ ਕਰਕੇ ਚੋਰੀ ਕੀਤਾ ਮੋਟਰਸਾਈਕਲ ਬਰਾਮਦ ਕਰਕੇ ਅਗਲੇਰੀ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ