ਬੰਗਾ 22 ਜੂਨ(ਮਨਜਿੰਦਰ ਸਿੰਘ) ਜ਼ਿਲ੍ਹਾ ਪ੍ਰਧਾਨ ਅਜੇ ਮੰਗੂਪੁਰ ਅਤੇ ਬੰਗਾ ਦੇ ਸਾਬਕਾ ਵਿਧਾਇਕ ਤਰਲੋਚਨ ਸਿੰਘ ਸੂੰਢ ਨੇ ਬੰਗਾ ਵਿੱਚ ਕਾਂਗਰਸ ਪਾਰਟੀ ਦੇ ਵਰਕਰਾਂ ਵਿੱਚ ਉਤਸ਼ਾਹ ਪੈਦਾ ਕਰਨ ਦੇ ਉਦੇਸ਼ ਨਾਲ ਐਤਵਾਰ ਨੂੰ ਐਨਆਰਆਈ ਐਨਕਲੇਵ ਵਿਖੇ ਇੱਕ ਮੀਟਿੰਗ ਕੀਤੀ। ਮੀਟਿੰਗ ਵਿੱਚ ਬੰਗਾ ਵਿਧਾਨ ਸਭਾ ਦੇ ਹਰ ਪਿੰਡ ਦੇ ਬੂਥ ਪੱਧਰ 'ਤੇ ਪਾਰਟੀ ਦੇ ਸੰਗਠਨਾਤਮਕ ਢਾਂਚੇ ਦੇ ਗਠਨ ਅਤੇ ਪਾਰਟੀ ਵਰਕਰਾਂ ਨੂੰ ਦਰਪੇਸ਼ ਸਮੱਸਿਆਵਾਂ ਨੂੰ ਦੂਰ ਕਰਨ 'ਤੇ ਵਿਚਾਰ ਕੀਤਾ ਗਿਆ। ਬੰਗਾ ਬਲਾਕ ਦੇ ਕਾਂਗਰਸ ਪ੍ਰਧਾਨ ਕੁਲਵਰਨ ਸਿੰਘ ਗਿੱਲ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਦੱਸਿਆ ਕਿ ਇਸ ਮੀਟਿੰਗ ਦੌਰਾਨ ਜ਼ਿਲ੍ਹਾ ਪ੍ਰਧਾਨ ਅਜੇ ਮੰਗੂਪੁਰ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਪੰਜਾਬ ਦੀ ਹਰ ਵਿਧਾਨ ਸਭਾ ਵਿੱਚ ਮਜ਼ਬੂਤੀ ਨਾਲ ਉੱਭਰੀ ਹੈ।ਪੰਜਾਬ ਵਿੱਚ 'ਆਪ' ਸਰਕਾਰ ਦੇ ਪਿਛਲੇ ਸਾਢੇ ਤਿੰਨ ਸਾਲਾਂ ਵਿੱਚ ਲੋਕਾਂ ਨੂੰ ਸਹੂਲਤਾਂ ਨਾਲੋਂ ਜ਼ਿਆਦਾ ਸਮੱਸਿਆਵਾਂ ਮਿਲੀਆਂ ਹਨ। ਇਸ ਵੇਲੇ 'ਆਪ' ਦੇ ਵਰਕਰ ਵੀ ਪਾਰਟੀ ਤੋਂ ਨਾਰਾਜ਼ ਹਨ।ਚੋਣ ਵਾਅਦੇ ਪੂਰੇ ਨਹੀਂ ਹੋਏ। ਹੁਣ ਲੋਕਾਂ ਦੀ ਉਮੀਦ ਕਾਂਗਰਸ 'ਤੇ ਹੈ। ਹੁਣ ਕਾਂਗਰਸ ਦੀ ਲੀਡਰਸ਼ਿਪ ਆਪਣੇ ਵਰਕਰਾਂ ਨਾਲ ਖੜ੍ਹੀ ਹੈ। ਕਾਂਗਰਸੀ ਵਰਕਰਾਂ ਨੂੰ ਬੂਥ ਪੱਧਰ 'ਤੇ ਇੱਕਜੁੱਟ ਹੋਣਾ ਚਾਹੀਦਾ ਹੈ ਅਤੇ ਪਿੰਡ ਅਤੇ ਸ਼ਹਿਰੀ ਵਾਰਡਾਂ ਦੀਆਂ ਜਨਤਕ ਸਮੱਸਿਆਵਾਂ ਨੂੰ ਪਾਰਟੀ ਦੇ ਪਲੇਟਫਾਰਮ 'ਤੇ ਰੱਖਣਾ ਚਾਹੀਦਾ ਹੈ। ਸਾਬਕਾ ਵਿਧਾਇਕ ਬੰਗਾ ਚੌਧਰੀ ਤਰਲੋਚਨ ਸਿੰਘ ਸੂੰਢ ਨੇ ਕਿਹਾ ਕਿ ਉਹ ਪਹਿਲਾਂ ਵਾਂਗ ਬੰਗਾ ਵਿਧਾਨ ਸਭਾ ਵਿੱਚ ਪਾਰਟੀ ਵਰਕਰਾਂ ਨਾਲ ਚੱਲ ਰਹੇ ਹਨ। ਉਨ੍ਹਾਂ ਲੋਕਾਂ ਦੀਆਂ ਸਮੱਸਿਆਵਾਂ ਲਈ ਸਰਕਾਰ ਨਾਲ ਵਿਚਾਰਧਾਰਕ ਲੜਾਈ ਲੜ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਉਹ ਪਾਰਟੀ ਵਰਕਰਾਂ ਦਾ ਮਨੋਬਲ ਵਧਾਉਣ ਲਈ ਹਮੇਸ਼ਾ ਮੈਦਾਨ ਵਿੱਚ ਹਨ।ਜ਼ਿਲ੍ਹਾ ਕਾਂਗਰਸ ਦੇ ਸੀਨੀਅਰ ਮੀਤ ਪ੍ਰਧਾਨ ਰਾਜਿੰਦਰ ਸ਼ਰਮਾ, ਜ਼ਿਲ੍ਹਾ ਯੋਜਨਾ ਕਮੇਟੀ ਦੇ ਸਾਬਕਾ ਚੇਅਰਮੈਨ ਸਤਵੀਰ ਸਿੰਘ ਪੱਲੀਝਿੱਕੀ ਨੇ ਵੀ ਕਾਂਗਰਸ ਬੂਥਾਂ 'ਤੇ ਸੰਗਠਨ ਦੇ ਵਰਕਰਾਂ ਦੀ ਜ਼ਿੰਮੇਵਾਰੀ ਬਾਰੇ ਗੱਲ ਕੀਤੀ। ਇਸ ਮੌਕੇ ਤਰਲੋਚਨ ਸਿੰਘ ਸੂੰਢ ਸਾਬਕਾ ਐਮਐਲਏ ਬੰਗਾ, ਅਜੇ ਮੰਗੂਪੁਰ ਜ਼ਿਲ੍ਾ ਪ੍ਰਧਾਨ ਕਾਂਗਰਸ ਸਤਵੀਰ ਸਿੰਘ ਪੱਲੀ ਝਿੱਕੀ ਸਾਬਕਾ ਚੇਅਰਮੈਨ, ਕੁਲਵਰਨ ਸਿੰਘ ਗਿੱਲ ਬਲਾਕ ਪ੍ਰਧਾਨ ਕਾਂਗਰਸ ,ਰਾਮਦਾਸ ਸਿੰਘ ਬਲਾਕ ਪ੍ਰਧਾਨ ਕਾਂਗਰਸ ਔੜ,ਮਲਕੀਤ ਸਿੰਘ ਬਾਹੜੋਵਾਲ ,ਹਰਬੰਤ ਸਿੰਘ ਸਾਬਕਾ ਚੇਅਰਮੈਨ, ਉਪਕਾਰ ਸਿੰਘ ਪ੍ਰਧਾਨ ਐਸ ਸੀ ਸੈੱਲ ਜ਼ਿਲ੍ਾ ਨਵਾਂ ਸ਼ਹਿਰ ,ਅਮਰੀਕ ਸਿੰਘ ਪ੍ਰਧਾਨ ਬੀਸੀ ਸੈੱਲ, ਲੈਂਹਬਰ ਰਾਮ ਲੰਗੇਰੀ ਪ੍ਰਧਾਨ ਐਸਸੀ ਸੈਲ ਬੰਗਾ, ਮਨਜਿੰਦਰ ਮੋਹਨ ਐਮਸੀ ਕੀਮਤੀ ਸੱਦੀ ਐਮਸੀ, ਮਨੀਸ਼ ਪਾਠਕ ,ਹਰਬੰਸ ਸਿੰਘ ਬਬਲੂ, ਗਿਆਨ ਚੰਦ, ਰਕੇਸ਼ ਟੋਨੀ ,ਧਰਮਪਾਲ ਸੂਢ ,ਬਲਵੀਰ ਸਿੰਘ ਪੂਨੀਆ, ਵਿਜੇ ਗੁਪਤਾ, ਹਰਦੇਵ ਸਿੰਘ ਬੇਦੀ, ਲੱਕੀ ਹੇੜੀਆਂ, ਇਵਰਨ ਰੱਤੂ, ਰਾਜਵਿੰਦਰ ਸਿੰਘ ਕੰਗਰੋੜ, ਬਲਵੀਰ ਸਿੰਘ ਬਾਲੋ, ਧਰਮ ਸਿੰਘ ਜੱਸੋ ਮੁਜਾਰਾ, ਬਲਵੀਰ ਖਮਾਚੋ ,ਰਜਿੰਦਰ ਸ਼ਰਮਾ ਸੀਨੀਅਰ ਵਾਈਸ ਪ੍ਰਧਾਨ ਜਿਲਾ ਨਵਾਂ ਸ਼ਹਿਰ ,ਤਰਸੇਮ ਸਿੰਘ, ਸਤਨਾਮ ਸੰਧੂ, ਬਿੰਦੂ ਬੰਗਾ, ਅਜੇ ਸ਼ਾਰਦਾ, ਰੇਸ਼ਮ ਸਿੰਘ ਪੂਨੀਆ, ਓਂਕਾਰ ਸਿੰਘ ਭੂਤਾਂ, ਪਿਆਰਾ ਸਿੰਘ ਸਰਪੰਚ ,ਰੂਪ ਲਾਲ ਚੇਤਾ, ਜੀਤਾ ਪੁੰਨੀ, ਹਰਬੰਸ ਸਿੰਘ, ਨਿੰਦੀ ਝਿੱਕਾ ਆਦਿ ਹਾਜ਼ਰ ਸਨ
No comments:
Post a Comment