ਆਜ਼ਾਦ ਟੈਕਸੀ ਸਟੈਂਡ ਵੈਲਫ਼ੇਅਰ ਸੁਸਾਇਟੀ ਬੰਗਾ ਵੱਲੋਂ ਅੱਜ ਐਸ ਡੀ ਐਮ ਬੰਗਾ ਗੌਤਮ ਜੈਨ ਨਾਲ ਮੁਲਾਕਾਤ ਕਰਕੇ ਇੱਕ ਮਈ ਤੋਂ ਚੱਲ ਰਹੀਆਂ 10 ਗੱਡੀਆਂ ਬਿਨਾਂ ਕਿਸੇ ਮਾਣ ਭੱਤੇ ਤੋਂ ਚਲਾਉਣ ਦੀ ਪੇਸ਼ਕਸ਼ ਕੀਤੀ।
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਐਸ ਡੀ ਐਮ ਸ੍ਰੀ ਗੌਤਮ ਜੈਨ ਨੇ ਦੱਸਿਆ ਕਿ ਇਨ੍ਹਾਂ ਪਾਸੋਂ 25 ਮਾਰਚ ਤੋਂ ਕੋਵਿਡ ਰੋਕਥਾਮ ਲਈ ਲਾਈਆਂ ਟੀਮਾਂ ਲਈ ਗੱਡੀਆਂ ਕਿਰਾਏ ’ਤੇ ਲਈਆਂ ਗਈਆਂ ਸਨ ਪਰੰਤੂ ਹੁਣ ਇਨ੍ਹਾਂ ਟੈਕਸੀ ਚਾਲਕਾਂ ਨੇ ਇੱਕ ਮਈ ਤੋਂ ਇਹ ਗੱਡੀਆਂ ਬਿਨਾਂ ਕਿਸੇ ਮਾਣ-ਭੱਤੇ ਦੇ ਕੇਵਲ ਤੇਲ ਖਰਚੇ ’ਤੇ ਦੇਣ ਦਾ ਫ਼ੈਸਲਾ ਕੀਤਾ ਹੈ।
ਸ੍ਰੀ ਜੈਨ ਨੇ ਉਨ੍ਹਾਂ ਦੇ ਇਸ ਫ਼ੈਸਲੇ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਵੱਲੋਂ ਕੋਵਿਡ ਰੋਕਥਾਮ ’ਚ ਸਵੈ-ਇੱਛੁਕ ਤੌਰ ’ਤੇ ਪੈਟਰੋਲਿੰਗ ਲਈ ਗੱਡੀਆਂ ਦੇਣ ਦੀ ਸਮਾਜਿਕ ਸੇਵਾ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸ ਮੁਸ਼ਕਿਲ ਦੀ ਘੜੀ ’ਚ ਹਰ ਇੱਕ ਵੱਲੋਂ ਪਾਇਆ ਯੋਗਦਾਨ ਬਹੁਤ ਹੀ ਪ੍ਰਸੰਸਾਯੋਗ ਹੈ।
No comments:
Post a Comment