ਪੀਓ ਅਤੇ ਪੁੱਤਰ ਤੇ ਤੇਜ ਧਾਰ ਹਥਿਆਰਾਂ ਨਾਲ਼ ਹੋਇਆ ਕਾਤਲਾਨਾ ਹਮਲਾ :

ਬੰਗਾ 11,ਮਈ  ( ਮਨਜਿੰਦਰ ਸਿੰਘ, ਪ੍ਰੇਮ ਜੰਡਿਆਲੀ  ) ਬੀਤੇ ਐਤਵਾਰ  ਦੀ ਦੇਰ ਰਾਤ  ਰੇਲਵੇ ਸਟੇਸ਼ਨ ਬਹਿਰਾਮ ਨਜ਼ਦੀਕ ਬਾਜ਼ੀਗਰ ਬਸਤੀ ਵਿੱਚ ਬਲਰਾਜ ਸਪੁੱਤਰ ਪਿਆਰਾ ਰਾਮ ਉਸਦੇ ਸਪੁੱਤਰ ਅਨਮੋਲ ਸਿੰਘ ਉਰਫ  ਮੌਲਾ ਅਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਉੱਤੇ ਉਸਦੇ ਮੁਹੱਲੇ ਵਿੱਚ ਰਹਿੰਦੇ ਰਾਜ ਕੁਮਾਰ ਰਾਜੂ, ਸੁਖਦੇਵ ਕੁਮਾਰ ਸੁੱਖਾ, ਰਾਣਾ, ਸ਼੍ਰੀਮਤੀ ਭੁੱਪੋ ਦੇਵੀ ਅਤੇ ਨੀਲਮ ਰਾਣੀ  ਵਾਸੀ ਬਾਜ਼ੀਗਰ ਬਸਤੀ ਥਾਣਾ ਬਹਿਰਾਮ ਨੇੜੇ ਰੇਲਵੇ ਸਟੇਸ਼ਨ ਨੇ ਕਿਸੇ ਤਕਰਾਰ ਨੂੰ ਲੈ ਕੇ ਤੇਜ ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ। ਜਿਸ ਨਾਲ ਬਲਰਾਜ ਸਪੁੱਤਰ ਪਿਆਰਾ ਰਾਮ ਉਸਦੇ ਸਪੁੱਤਰ ਅਨਮੋਲ ਸਿੰਘ ਉਰਫ ਮੌਲਾ ਗੰਭੀਰ ਰੂਪ ਵਿੱਚ ਜਖਮੀ ਹੋ ਗਏ। ਜਿਹਨਾਂ ਨੂੰ ਤੁਰੰਤ ਐਮਬੂਲੈਂਸ  ਰਾਹੀਂ ਬੰਗਾ ਦੇ ਸਿਵਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ। ਜਿਥੇ ਡਾਕਟਰਾਂ ਦੀ ਟੀਮ ਨੇ ਜ਼ਖਮੀ ਬਲਰਾਜ ਅਤੇ ਉਸਦੇ ਪੁੱਤਰ ਅਨਮੋਲ ਦਾ ਇਲਾਜ ਸ਼ੁਰੂ ਕੀਤਾ। ਬਲਰਾਜ ਸਿੰਘ ਦੇ ਸਿਰ ਅਤੇ ਲੱਤਾ ਬਾਹਾਂ ਉੱਤੇ ਕਾਫ਼ੀ ਗਹਿਰੇ ਜਖਮ ਹੋਣ ਕਰਕੇ ਉਸਦੇ 24 ਟਾਂਕੇ ਲਗਾਏ ਗਏ।  ਇਸ ਮੌਕੇ ਥਾਣਾ ਬਹਿਰਾਮ ਦੇ ਸਬ ਇੰਸਪੈਕਟਰ ਨੰਦ ਲਾਲ ਅਤੇ ਏ, ਐਸ, ਆੲੀ ਅਮਰੀਕ ਸਿੰਘ ਨੇ ਦੱਸਿਆ ਕਿ ਬਲਰਾਜ  ਦੇ ਬਿਆਨ ਅਤੇ ਐਮ, ਐਲ, ਆਰ ਦੀਆਂ ਕਾਪੀਆਂ ਪ੍ਰਾਪਤ ਕਰਕੇ  ਬਣਦੀ ਕਾਨੂੰਨੀ  ਕਾਰਵਾਈ ਕੀਤੀ ਜਾਵੇਗੀ । ਬਲਰਾਜ ਸਿੰਘ ਨੇ ਪੁਲਿਸ ਪ੍ਰਸ਼ਾਸਨ ਤੋਂ ਜਿੱਥੇ ਉਕਤ ਆਰੋਪੀਆਂ ਦੇ ਖਿਲਾਫ ਸਖ਼ਤ ਕਾਰਵਾਈ ਕਰਕੇ ਇੰਸਾਫ ਦੀ ਮੰਗ ਕੀਤੀ ਹੈ ਉੱਥੇ ਹੀ ਉਸਨੇ ਮੀਡੀਆ ਨੂੰ ਦੱਸਿਆ ਕਿ ਆਰੋਪੀ ਅਜੇ ਵੀ ਉਸਨੂੰ ਜਾਨੋ ਮਾਰਨ ਦੀਆਂ ਧਮਕੀਆਂ  ਦੇ ਰਹੇ ਹਨ।