ਇਸ ਵਾਰ ਬੰਗਾ ਨਗਰ ਕੌਂਸਲ ਵਿੱਚ ਬਣੇਗੀ ਆਮ ਆਦਮੀ ਪਾਰਟੀ ਦੀ ਕਮੇਟੀ - ਸ਼ਿਵ ਕੌੜਾ

ਆਪ ਆਗੂ ਪੰਜਾਬ ਪ੍ਰਭਾਰੀ ਸ ਜਰਨੈਲ ਸਿੰਘ ਐੱਮਐੱਲਏ ਦਿੱਲੀ,ਸ  ਹਰਪਾਲ ਸਿੰਘ ਚੀਮਾ  ਅਤੇ ਬੰਗਾ ਤੋਂ ਮਨੋਹਰ ਲਾਲ ਗਾਬਾ ਅਤੇ ਫਾਊਂਡਰ ਮੈਂਬਰ ਸ਼ਿਵ ਕੌੜਾ  

ਬੰਗਾ 19ਜਨਵਰੀ( ਮਨਜਿੰਦਰ ਸਿੰਘ)  ਬੰਗਾ ਤੋਂ  ਮਨੋਹਰ ਲਾਲ ਗਾਬਾ ਆਮ ਆਦਮੀ ਪਾਰਟੀ ਦੇ   ਜ਼ਿਲ੍ਹਾ ਜਨਰਲ ਸਕੱਤਰ ਐੱਸ ਬੀ ਐੱਸ ਨਗਰ ਅਤੇ ਫਾਊਂਡਰ ਮੈਂਬਰ ਸ਼ਿਵ ਕੌੜਾ ਦੀ ਅਗਵਾਈ ਵਿਚ  ਇਕ ਵਫ਼ਦ 14 ਫਰਵਰੀ ਨੂੰ ਹੋਣ ਜਾ ਰਹੀਆਂ ਨਗਰ ਕੌਂਸਲ ਚੋਣਾਂ ਦੇ ਸਬੰਧ ਵਿੱਚ  ਆਮ ਆਦਮੀ ਪਾਰਟੀ ਦੇ ਪੰਜਾਬ ਪ੍ਰਭਾਰੀ ਜਰਨੈਲ ਸਿੰਘ  ਐੱਮ ਐੱਲ ਏ ਤਿਲਕ ਨਗਰ ਦਿੱਲੀ ਅਤੇ ਪੰਜਾਬ ਅਸੈਂਬਲੀ ਵਿੱਚ ਵਿਰੋਧੀ ਧਿਰ ਨੇਤਾ ਹਰਪਾਲ ਸਿੰਘ ਚੀਮਾ   ਨੂੰ ਮਿਲਿਆ । ਇਸ ਮੌਕੇ ਵਫ਼ਦ ਨੇ ਸੀਨੀਅਰ ਆਗੂਆਂ ਨੂੰ ਬੰਗਾ ਦੇ  ਰਾਜਨੀਤਕ ਹਲਾਤਾ  ਬਾਰੇ ਜਾਣਕਾਰੀ ਦਿੱਤੀ ਅਤੇ ਉਮੀਦਵਾਰਾਂ ਦੀ ਚੋਣ ਬਾਰੇ ਵਿਚਾਰ ਵਟਾਂਦਰਾ ਕੀਤਾ  । ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਸ਼ਿਵ ਕੌੜਾ ਨੇ ਦੱਸਿਆ ਕਿ  ਭਾਵੇਂ  ਆਮ ਆਦਮੀ ਪਾਰਟੀ ਦੇ ਕੌਮੀ ਅਤੇ ਸੀਨੀਅਰ ਆਗੂਆਂ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਪਾਰਟੀ ਪਹਿਲੀ ਵਾਰ ਆਪਣੇ ਚੋਣ ਨਿਸ਼ਾਨ ਝਾੜੂ ਤੇ ਕੌਂਸਲ ਚੋਣਾਂ ਲੜ ਰਹੀ ਹੈ ਪਰ ਪਿਛਲੀਆਂ ਵਿਧਾਨ ਸਭਾ ਅਤੇ ਲੋਕ ਸਭਾ ਚੋਣਾਂ ਵਿੱਚ 14 ਤੋਂ 15 ਵਾਰਡਾਂ ਵਿੱਚ ਜਿੱਤ ਪ੍ਰਾਪਤ ਕਰ ਚੁੱਕੀ ਹੈ।ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਇਲੈਕਸ਼ਨਾਂ ਲਈ ਪਾਰਟੀ ਦੇ ਵਲੰਟਰੀਆਂ ਦੇ ਹੌਸਲੇ ਬੁਲੰਦ ਹਨ ਅਤੇ ਦਿੱਲੀ ਵਿਚ ਦਿੱਤੀਆਂ ਸਹੂਲਤਾਂ ਅਤੇ ਕੰਮਾਂ ਦਾ ਹਵਾਲਾ ਦੇ ਕੇ ਲੋਕਾਂ ਨੂੰ ਜਾਗਰੂਕ ਕੀਤਾ ਜਾਵੇਗਾ ਤੇ ਪਾਰਟੀ ਬੰਗਾ ਨਗਰ   ਕੌਂਸਲ ਦੀਆਂ ਚੋਣਾਂ ਵਿੱਚ ਵੱਡੀ ਜਿੱਤ ਪ੍ਰਾਪਤ ਕਰਕੇ ਆਪਣੀ ਕਮੇਟੀ ਬਣਾਵੇਗੀ ।ਜਨਰਲ ਸਕੱਤਰ ਮਨੋਹਰ ਲਾਲ ਗਾਬਾ ਨੇ ਕਿਹਾ ਕਿ ਇਸ ਹਫ਼ਤੇ ਦੇ ਅੰਤ ਤਕ ਸਾਰੇ ਪੰਦਰਾਂ ਵਾਰਡਾਂ ਦੇ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਜਾਵੇਗਾ ।