ਬੰਗਾ , 14 ਜੂਨ (ਮਨਜਿੰਦਰ ਸਿੰਘ ) : ਬਸਪਾ ਅਕਾਲੀ ਦਲ ਦੇ ਮਜ਼ਬੂਤ ਗਠਜੋੜ ਨੂੰ ਦੇਖ ਕੇ ਪੰਜਾਬ ਵਿੱਚ ਸਿਆਸੀ ਹਲਚਲ ਮੱਚੀ ਹੋਈ ਹੈ। ਸਾਰੀਆਂ ਸਿਆਸੀ ਪਾਰਟੀਆਂ ਦੇ ਆਗੂ ਬਿਆਨ ਦੇਣ ਲਈ ਮੁੜਕੋ ਮੁੜ੍ਹਕੀ ਹੋਏ ਦਿਖਾਈ ਦੇ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ ਇਸ ਗਠਜੋੜ ਦਾ ਕੋਈ ਫ਼ਰਕ ਪੈਂਦਾ ਨਜ਼ਰ ਨਹੀਂ ਆ ਰਿਹਾ , ਫਿਰ ਤੁਹਾਨੂੰ ਚਿੰਤਾ ਕਿਸ ਚੀਜ਼ ਦੀ ਸਤ੍ਹਾ ਰਹੀ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਹਰਮੇਸ਼ ਵਿਰਦੀ ਸਾਬਕਾ ਪ੍ਰਧਾਨ ਬਹੁਜਨ ਸਮਾਜ ਪਾਰਟੀ ਬੰਗਾ ( ਸ਼ਹਿਰੀ ) ਨੇ ਪ੍ਰੈੱਸ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਉਨ੍ਹਾਂ ਕਿਹਾ ਕਿ ਬਸਪਾ ਅਕਾਲੀ ਦਲ ਦਾ ਮਜ਼ਬੂਤ ਸਗੰਠਨ ਹੈ ਇਹ ਸਗੰਠਨ 2022 ਦੀਆਂ ਚੋਣਾਂ ਵਿੱਚ ਪੰਜਾਬ ਦੀ ਸੱਤਾ ਤੇ ਕਾਬਜ਼ ਹੋਵੇਗਾ । ਸ਼੍ਰੀ ਵਿਰਦੀ ਗਲਬਾਤ ਕਰਦਿਆਂ ਕਿਹਾ ਕਿ ਅਕਾਲੀ ਦਲ ਬਾਦਲ ਅਤੇ ਬਸਪਾ ਦਾ ਕੇਡਰ ਮਜ਼ਬੂਤ ਕੇਡਰ ਹੈ , ਇਹ ਕੇਡਰ ਮਜ਼ਬੂਤੀ ਨਾਲ ਲੜਾਈ ਲੜਨ ਵਾਲਾ ਕੇਡਰ ਹੈ ਕਦੇ ਵੀ ਪਿੱਛੇ ਹਟਣ ਵਾਲਾ ਨਹੀਂ ਹੈ । ਉਨ੍ਹਾਂ ਵਿਧਾਨ ਸਭਾ ਬੰਗਾ ਦੀ ਸੀਟ ਵਾਰੇ ਬੋਲਦਿਆਂ ਕਿਹਾ ਕਿ ਇਥੋਂ ਤਾਂ ਬਸਪਾ ਪਹਿਲਾਂ ਹੀ ਇੱਕ ਨੰਬਰ ਤੇ ਹੈ ਹੁਣ ਤਾਂ ਅਕਾਲੀਆਂ ਦੀ ਵੋਟ ਵੀ ਨਾਲ ਜੁੜੇਗੀ ਜਿਸ ਕਾਰਨ ਇਥੋਂ ਗੱਠਬੰਧਨ ਦਾ ਉਮੀਦਵਾਰ ਬਹੁਤ ਵੱਡੇ ਮਾਰਜਨ ਨਾਲ ਇਥੋਂ ਜਿਤੇਗਾ ।ਇਸ ਮੌਕੇ ਉਨ੍ਹਾਂ ਦੇ ਨਾਲ ਬਸਪਾ ਆਗੂ ਹਰਜਿੰਦਰ ਲੱਧੜ ਸਾਬਕਾ ਜਨਰਲ ਸਕੱਤਰ ਸ਼ਹਿਰੀ ਬੰਗਾ , ਰੋਸ਼ਨ ਲਾਲ , ਅਮਰਜੀਤ , ਨਰਿੰਦਰ ਕੁਮਾਰ , ਹਰਜਿੰਦਰ ਕੁਮਾਰ , ਗੁਰਨਾਮ ਚੰਦ , ਗੋਲਡੀ , ਰਾਕੇਸ਼ ਕੁਮਾਰ , ਵਿਜੇ ਕੁਮਾਰ ਭੱਟੀ, ਭੁਪਿੰਦਰ ਕੁਮਾਰ , ਪਾਲ ਅਤੇ ਸੰਦੀਪ ਆਦਿ ਬਸਪਾ ਵਰਕਰ ਹਾਜ਼ਰ ਸਨ।
No comments:
Post a Comment