ਬੰਗਾ ਜੁਲਾਈ( ਮਨਜਿੰਦਰ ਸਿੰਘ )ਬੰਗਾ ਹਲਕੇ ਦੇ ਪਿੰਡ ਬੁਰਜ ਕੰਧਾਰੀ ਵਿਖੇ ਡਾ ਅੰਬੇਦਕਰ ਕ੍ਰਿਕਟ ਕਲੱਬ ਵੱਲੋਂ ਕਰਾਏ ਗਏ ਕ੍ਰਿਕਟ ਟੂਰਨਾਮੈਂਟ ਵਿਚ ਡਾਕਟਰ ਬੀ ਆਰ ਅੰਬੇਡਕਰ ਸਪੋਰਟਸ ਕਲੱਬ ਦੀ ਕ੍ਰਿਕਟ ਟੀਮ ਨੇ 20 ਓਵਰਾਂ ਵਿਚ 157 ਰਨ ਬਣਾ ਕੇ ਜਿੱਤ ਪ੍ਰਾਪਤ ਕੀਤੀ ਜਦ ਕਿ ਸਪੋਰਟਸ ਕ੍ਰਿਕਟ ਕਲੱਬ ਟਿਬੀ 20 ਉਵਰਾਂ ਵਿਚ ਕੇਵਲ 122 ਸਕੋਰ ਹੀ ਬਣਾਕੇ ਆਊਟ ਹੋ ਗਈ। ਇਸ ਤਰ੍ਹਾਂ ਡਾਕਟਰ ਬੀ ਆਰ ਅੰਬੇਡਕਰ ਸਪੋਰਟਸ ਕਲੱਬ ਨੇ 35 ਸਕੋਰਾ ਨਾਲ ਮੈਚ ਜਿੱਤਿਆ। ਇਸ ਮੌਕੇ ਬਸਪਾ ਪੰਜਾਬ ਦੇ ਸੀਨੀਅਰ ਆਗੂ ਪ੍ਰਵੀਨ ਬੰਗਾ ਜੀ ਵਿਸ਼ੇਸ਼ ਤੌਰ ਤੇ ਮੁੱਖ ਮਹਿਮਾਨ ਵਜੋਂ ਪਹੁੰਚੇ ਜਿਨ੍ਹਾਂ ਟੀਮ ਨੂੰ ਵਧਾਈ ਦਿੱਤੀ ਅਤੇ ਦੋਨਾਂ ਟੀਮਾਂ ਨੂੰ ਇਨਾਮ ਦੇ ਕੇ ਹੌਸਲਾ ਅਫਜ਼ਾਈ ਕਰਦਿਆਂ ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਪ੍ਰੇਰਨਾ ਦਿੱਤੀ । ਡਾਕਟਰ ਬੀ ਆਰ ਅੰਬੇਡਕਰ ਕਲੱਬ ਦੇ ਕਪਤਾਨ ਰਜਿਦਰ ਬੰਟੀ ਅਤੇ ਸਪੋਰਟਸ ਕ੍ਰਿਕੇਟ ਕਲੱਬ ਟਿਬੀ ਦੇ ਕਪਤਾਨ ਸ਼ੈਲੀ ਨੇ ਮੁੱਖ ਮਹਿਮਾਨ ਪ੍ਰਵੀਨ ਬੰਗਾ ਜੀ ਤੋਂ ਇਨਾਮ ਹਾਸਿਲ ਕੀਤੇ। ਡਾਕਟਰ ਅੰਬੇਡਕਰ ਕ੍ਰਿਕਟ ਕਲੱਬ ਵੱਲੋਂ ਇਹ ਦੂਸਰਾ ਟੂਰਨਾਮੈਂਟ ਕਰਵਾਇਆ ਗਿਆ ਸੀ ਅਤੇ ਇਸ ਟੂਰਨਾਮੈਂਟ ਪਰਵੀਨ ਬਸਰਾ ਮੈਨ ਆਫ ਦਾ ਮੈਚ ਰਹੇ।
No comments:
Post a Comment