ਬੰਗਾ 10,ਦਸੰਬਰ (ਮਨਜਿੰਦਰ ਸਿੰਘ) ਪਿਛਲੇ ਦਿਨੀ ਮਹਿੰਦਰ ਸਿੰਘ ਐਸ ਐਚ ਓ ਥਾਣਾ ਸਿਟੀ ਨਵਾਂ ਸ਼ਹਿਰ ਤੋਂ ਤਬਦੀਲ ਹੋ ਕੇ ਐਸਐਚਓ ਥਾਣਾ ਮੁਕੰਦਪੁਰ ਵਿਖੇ ਤਾਇਨਾਤ ਕੀਤੇ ਗਏ। ਰਾਸ਼ਟਰੀ ਕ੍ਰਾਂਤੀ ਪਾਰਟੀ ਅੰਬੇਡਕਰ ਵਿਧਾਨ ਸਭਾ ਹਲਕਾ ਬੰਗਾ ਯੂਨਿਟ ਵੱਲੋਂ ਦੀਪਕ ਘਈ ਰਾਸ਼ਟਰੀ ਜਨਰਲ ਸਕੱਤਰ ਅਤੇ ਕੇਸਰ ਗਿੱਲ ਜਿਲ੍ਹਾ ਪ੍ਰਧਾਨ ਸ਼ਹੀਦ ਭਗਤ ਸਿੰਘ ਨਗਰ ਦੀ ਅਗਵਾਈ ਵਿੱਚ ਉਹਨਾਂ ਵਲੋਂ ਥਾਣਾ ਮੁਕੰਦਪੁਰ ਵਿਖੇ ਅਹੁਦਾ ਸੰਭਾਲਣ ਉਪਰੰਤ ਸਵਾਗਤ ਅਤੇ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਦੀਪਕ ਘਈ ਨੇ ਕਿਹਾ ਕਿ ਐਸਐਚਓ ਮਹਿੰਦਰ ਸਿੰਘ ਪੁਲਿਸ ਪ੍ਰਸ਼ਾਸਨ ਦੀ ਸ਼ਾਨ ਹਨ ਜਿਨਾਂ ਦਾ ਨਸ਼ਿਆਂ ਖਿਲਾਫ ਅਤੇ ਗੈਰ ਕਾਨੂੰਨੀ ਕੰਮ ਕਰਨ ਵਾਲਿਆਂ ਖਿਲਾਫ਼ ਛੇੜੀ ਮੁਹਿੰਮ ਵਿੱਚ ਵੱਡਾ ਯੋਗਦਾਨ ਹੈ ਪਿੱਛਲੇ ਸਮਿਆਂ ਵਿੱਚ ਬਤੌਰ ਐਸ ਐਚ ਓ ਥਾਣਾ ਬੰਗਾ ਸਦਰ ਬੰਗਾ,ਸਿਟੀ ਅਤੇ ਨਵਾਂ ਸ਼ਹਿਰ ਸਿਟੀ ਵਿੱਚ ਸੇਵਾਵਾਂ ਨਿਭਾਉਂਦਿਆਂ ਭਾਰੀ ਗਿਣਤੀ ਵਿੱਚ ਨਸ਼ਾ ਤਸਕਰਾਂ ਨੂੰ ਫੜ ਕੇ ਸਲਾਖਾਂ ਪਿੱਛੇ ਭੇਜਿਆ ਹੈ। ਐਸਐਚ ਓ ਮਹਿੰਦਰ ਸਿੰਘ ਨੇ ਇਸ ਮੌਕੇ ਦੀਪਕ ਘਈ ਅਤੇ ਉਨਾਂ ਨਾਲ ਆਏ ਰਾਸ਼ਟਰੀ ਕ੍ਰਾਂਤੀ ਪਾਰਟੀ ਅੰਬੇਡਕਰ ਬੰਗਾ ਵਿਧਾਨ ਸਭਾ ਯੂਨਿਟ ਦੇ ਅਹੁਦੇਦਾਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਪੂਰੀ ਮਿਹਨਤ, ਲਗਨ ਅਤੇ ਇਮਾਨਦਾਰੀ ਨਾਲ ਆਪਣੀ ਜਿੰਮੇਦਾਰੀ ਨਿਭਾਉਂਦੇ ਆ ਰਹੇ ਹਨ ਅਤੇ ਨਿਭਾਉਂਦੇ ਰਹਿਣਗੇ। ਉਹਨਾਂ ਕਿਹਾ ਕਿ ਕਿਸੇ ਤਰ੍ਹਾਂ ਦੀ ਵੀ ਥਾਣੇ ਵਿੱਚ ਸ਼ਿਕਾਇਤ ਲੈ ਕੇ ਆਉਣ ਵਾਲਿਆਂ ਦੀਆਂ ਸ਼ਿਕਾਇਤਾਂ ਸਤਿਕਾਰ ਪੂਰਵਕ ਸੁਣੀਆਂ ਜਾਣਗੀਆਂ ਅਤੇ ਲੁੜਿੰਦੀਆਂ ਕਾਰਵਾਈਆਂ ਕਰਨ ਉਪਰੰਤ ਇਨਸਾਫ ਦਵਾਇਆ ਜਾਵੇਗਾ। ਇਸ ਮੌਕੇ ਦੀਪਕ ਘਈ,ਕੇਸਰ ਸ਼ੇਰਗਿੱਲ ਰਾਏਪੁਰ ਡੱਬਾ, ਰਿਸ਼ੀ ਸਹੋਤਾ ਗੁਣਾਚੌਰ ,ਵਿਜੇ ਭੱਟੀ ਮੁਕੰਦਪੁਰ, ਬਿੱਲਾ ਸਾਧਪੁਰ, ਬਲਦੇਵ ਸਿੰਘ ਬੇਦੀ ਸੋਤਰਾ,ਸੁੱਖਾ ਭੂਤਾਂ, ਦੀਪਕ ਚੌਟਾਲਾ ਤਲਵੰਡੀ ਫੱਤੂ ਆਦਿ ਹਾਜਰ ਸਨ
No comments:
Post a Comment