ਬੁਰਜ ਟਹਿਲ ਦਾਸ ਬੰਨ੍ਹ ਵਿਖੇ ਬਾਬਾ ਸਤਨਾਮ ਸਿੰਘ ਕਾਰ ਸੇਵਾ ਕਿਲਾ ਅਨੰਦਗੜ੍ਹ ਸਾਹਿਬ ਵਾਲਿਆਂ ਅਤੇ ਇਰੀਗੇਸ਼ਨ ਵਿਭਾਗ ਦੀ ਹੋਈ ਅਹਿਮ ਮੀਟਿੰਗ

ਨਵਾਂਸ਼ਹਿਰ 15 ਸਤੰਬਰ(ਹਰਿੰਦਰ  ਸਿੰਘ) ਪਿੰਡ ਬੁਰਜ਼ ਟਹਿਲ ਦਾਸ ਵਿਖੇ ਹੜ੍ਹ ਆਉਣ ਕਾਰਨ ਬੰਨ੍ਹ ਦੇ ਹੋਏ ਭਾਰੀ ਨੁਕਸਾਨ ਨੂੰ ਠੀਕ ਕਰਨ ਦਾ ਕੰਮ ਲਗਾਤਾਰ ਜਾਰੀ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਲਲਿਤ ਮੋਹਨ ਪਾਠਕ ਉਰਫ ਬੱਲੂ ਨੇ ਦੱਸਿਆ ਕਿ ਕਿਲਾ ਅਨੰਦਗੜ੍ਹ ਸਾਹਿਬ ਦੀ ਕਾਰ ਸੇਵਾ ਵਾਲੇ ਬਾਬਾ ਸਤਨਾਮ ਸਿੰਘ ਜੀ ਅਤੇ ਉਹਨਾਂ ਨਾਲ ਸੇਵਾਦਾਰ ਜੋ ਬੰਨ੍ਹ ਤੇ ਸੇਵਾ ਕਰ ਰਹੇ ਸਨ ਦੀ ਪ੍ਰਸ਼ਾਸ਼ਨਿਕ ਟੈਕਨੀਕਲ ਟੀਮ ਨਾਲ ਮੀਟਿੰਗ ਕੀਤੀ ਗਈ । ਪ੍ਰਸ਼ਾਸ਼ਨਿਕ ਇਰੀਗੇਸ਼ਨ ਵਿਭਾਗ ਤੋਂ ਐਸ ਡੀ ਓ ਅਤੇ ਸਬੰਧਤ ਜੇ ਈ,ਆਰ ਟੀ ਓ ਇੰਦਰਪਾਲ ਸਿੰਘ ਮੌਕੇ ਤੇ ਹਾਜ਼ਰ ਸਨ। ਇਸ ਵਕਤ ਬੰਨ੍ਹ ਤੇ ਰਿੰਗ ਬੰਨਣ ਦਾ ਕੰਮ ਲਗਾਤਾਰ ਜਾਰੀ ਹੈ। ਇਸ ਮੌਕੇ ਗਗਨ ਅਗਨੀਹੋਤਰੀ ਚੇਅਰਮੈਨ ਮਾਰਕੀਟ ਕਮੇਟੀ ਨਵਾਂਸ਼ਹਿਰ, ਬੁਰਜ ਟਹਿਲ ਦਾਸ ਦੇ ਸਰਪੰਚ ਸੋਹਣ ਲਾਲ, ਸਰਪੰਚ ਫਾਬੜਾ ਰਾਜਨ, ਬੇਗੋਵਾਲ ਸਰਪੰਚ ਹਿਤੇਸ਼ ਮਾਹੀ, ਬਲਾਕ ਪ੍ਰਧਾਨ ਦਵਿੰਦਰ ਫਾਬੜਾ ,ਜਸਵੀਰ ਸਿੰਘ ਬਹਿਲੂੜ ਕਲਾਂ, ਸੁਰਜੀਤ ਬੁਰਜ ਟਹਿਲ ਦਾਸ, ਭੁਪਿੰਦਰ ਬਲਾਕ ਪ੍ਰਧਾਨ ਉੜਾਪੜ, ਜਸਵੀਰ ਟਾਂਕ ਆਦਿ ਮੌਜੂਦ ਸਨ।