ਭ੍ਰਿਸ਼ਟ ਤੇ ਆਚਰਨ ਸਤਾ ਤੇ ਨਕੇਲ ਕਸਣ ਲਈ ਲਿਆਂਦੀ ਜਾਏਗੀ ਨਵਕ੍ਰਾਂਤੀ - ਕਲਿਆਣ

ਬੰਗਾ 10 ਸਤੰਬਰ ( ਮਨਜਿੰਦਰ ਸਿੰਘ) ਅੱਜ ਸਾਰੇ ਦੇਸ਼ ਦੀ ਜਨਤਾ ਸਤਾ ਉਤੇ ਕਾਬਜ਼ ਰਾਜਨੀਤਕ ਪਾਰਟੀਆਂ ਦੇ ਭ੍ਰਿਸ਼ਟ ਅਤੇ ਗ਼ਲਤ ਆਚਰਨ ਦੇ ਕਾਰਨ ਬਹੁੱਤ ਦੁੱਖੀ ਹੈ! ਇਸ ਵੱਜ੍ਹਾ ਕਰਕੇ ਉਹ ਮੁਲਕ ਦੀ ਰਾਜਨੀਤੀ ਵੱਲ ਉਦਾਸੀਨ ਰਵਈਆ ਅਪਣਾ ਰਹੀ ਹੈ ਜਿਸਦੇ ਸਿੱਟੇ ਵਜੋਂ ਸਾਡੀ ਲੋਕਤੰਤਰ ਪ੍ਰਣਾਲੀ ਤੇ ਕਾਨੂੰਨ ਵਿਵਸਥਾ ਦਾ ਤਕਰੀਬਨ ਤਕਰੀਬਨ ਦੀਵਾਲਾ ਨਿਕਲ ਚੁੱਕਾ ਹੈ! ਅੱਜ ਮੁਲਕ ਦੀ ਨੌਜਵਾਨ ਪੀੜੀ ਆਪਣੇ ਭਵਿੱਖ ਨੂੰ ਡਾਵਾਂ ਡੋਲ ਵੇਖਦਿਆਂ ਹੋਇਆਂ ਮੁਲਕ ਨੂੰ ਛੱਡ ਕੇ ਦੂਜੇ ਮੁਲਕਾਂ ਵਿੱਚ ਆਪਣੇ ਭਵਿੱਖ ਨੂੰ ਤਲਾਸ਼ ਰਹੀਆਂ ਹਨ ਜਿਸਦੇ ਬਹੁਤ ਮਾੜੇ ਸਿੱਟੇ ਆਉਣ ਵਾਲੇ ਟਾਈਮ ਚ ਸਾਨੂੰ ਭੁਗਤਣੇ ਪੈਣਗੇ! ਦੇਸ਼ ਦੀ ਜਨਤਾ ਅਤੇ ਨੌਜਵਾਨ ਪੀੜੀ ਵਿੱਚ ਫੈਲੇ ਹੋਈ ਇਸ ਅਵਿਸ਼ਵਾਸ ਦੀ ਭਾਵਨਾ ਨੂੰ ਦੂਰ ਕਰਨ ਲਈ ਨਵੀਂ ਬਣੀ ਰਾਸ਼ਟਰੀ ਕ੍ਰਾਂਤੀ ਪਾਰਟੀ ਅੰਬੇਦਕਰ  ਬਹੁਤ ਜਲਦ ਆਪਣੀ ਵਿਚਾਰਧਾਰਾ ਦੇ ਨਾਲ ਪਰਿਵਰਤਨ ਦੀ ਲਹਿਰ ਜਿਹਨੂੰ ਨਵ ਕ੍ਰਾਂਤੀ ਦਾ ਨਾਮ ਦਿੱਤਾ ਜਾ ਰਿਹਾ ਹੈ ਦੇਸ਼ ਦੀ ਜਨਤਾ ਦੇ ਦਰਬਾਰ ਵਿੱਚ ਪੇਸ਼ ਕਰੇਗੀ! ਇਹ ਗੱਲ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਸਰਦਾਰ ਸ਼ਿੰਗਾਰਾ ਸਿੰਘ ਕਲਿਆਣ ਨੇ ਬੰਗਾ ਵਿੱਚ ਹੋਈ ਪਾਰਟੀ ਦੀ ਇੱਕ ਵਿਸ਼ੇਸ਼ ਬੈਠਕ ਦੇ ਦੌਰਾਨ ਮੈਂਬਰਾਂ ਨੂੰ ਸੰਬੋਧਨ ਕਰਦੇ ਹੋਏ ਕਹੀ ਗਈ!ਇਸ ਮੌਕੇ ਤੇ ਮੌਜੂਦ ਪਾਰਟੀ ਮੈਂਬਰਾਂ ਨੂੰ ਸੰਬੋਧਨ ਕਰਦੇ ਹੋਏ ਪਾਰਟੀ ਦੇ ਪੰਜਾਬ ਪ੍ਰਧਾਨ ਵਿਕਾਸ ਹੰਸ ਤੇ ਰਾਸ਼ਟਰੀ ਸਕੱਤਰ  ਦੀਪਕ ਘਈ ਨੇ ਕਿਹਾ ਕਿ ਪਾਰਟੀ ਬੂਥ ਸਰ ਤੋਂ ਆਪਣੀ ਵਿਚਾਰਧਾਰਾ ਨਾਲ ਲੋਕਾਂ ਨੂੰ ਜੋੜਦੇ ਹੋਏ ਹੋਲੇ ਹੋਲੇ ਪ੍ਰਦੇਸ਼ ਤੇ ਦੇਸ਼ ਦੀ ਰਾਜਨੀਤੀ ਵਿੱਚ ਆਪਣਾ ਸਥਾਨ ਬਣਾਵੇਗੀ! ਉਹਨਾਂ ਕਿਹਾ ਕਿ ਅਸੀਂ ਇਸ ਗੱਲ ਨੂੰ ਯਕੀਨੀ ਬਣਾਵਾਂਗੇ ਕਿ ਦੱਬੇ ਕੁਚਲੇ ਐਸ ਸੀ / ਐਸ ਟੀ ਭਾਈਚਾਰੇ ਤੋਂ ਇਲਾਵਾ ਮੁਸਲਿਮ, ਇਸਾਈ ਅਤੇ ਹੋਰ ਘੱਟ  ਗਿਣਤੀ ਸਮਾਜ ਦੇ ਲੋਕ ਇੱਕ ਝੰਡੇ ਦੇ ਹੇਠ ਇਕੱਠੇ ਹੋ ਕੇ ਬਾਬਾ ਸਾਹਿਬ ਭੀਮ ਰਾਵ ਅੰਬੇਡਕਰ ਦੁਆਰਾ ਲਿਖਿਆ ਗਿਆ ਭਾਰਤੀ ਸੰਵਿਧਾਨ ਦੀ ਰੱਖਿਆ ਕਰੇਗਾ ਤੇ ਇਹਨੂੰ ਪੂਰੀ ਤਰਾਂ  ਲਾਗੂ ਕਰਵਾਉਣ ਲਈ ਕ੍ਰਾਂਤੀ ਦੀ ਇਸ ਲਹਿਰ ਦਾ ਸਮਰਥਨ ਕਰੇ ਤਾਂ ਕਿ ਲੋਕ ਹਿੱਤ ਵਿੱਚ ਇਹ ਬਦਲਾਵ ਜਲਦ ਤੋਂ ਜਲਦ ਲਿਆਇਆ ਜਾ ਸਕੇ! ਇਸ ਮੀਟਿੰਗ ਵਿੱਚ ਰਿਟਾਇਰਡ ਕੈਪਟਨ ਹਰਭਜਨ ਸਿੰਘ, ਕੇਸਰ ਗਿੱਲ, ਕਵਿਤਾ ਹੰਸ, ਮੋਹਿਤ ਪੁਰੀ, ਮੀਨਾ ਕੁਮਾਰੀ, ਪੰਕਜ ਸਿੱਧੂ, ਦੀਪਕ ਚੌਟਾਲਾ, ਜਤਿੰਦਰ ਕੁਮਾਰ ਸਾਬੀ ਅਤੇ ਪਾਰਟੀ ਦੇ ਕਈ ਹੋਰ ਮੈਂਬਰ ਅਤੇ ਅਹੁਦੇਦਾਰ ਮੌਜੂਦ ਸਨ