ਬੀਬੀ ਬਾਦਲ ਨੇ ਅਸਤੀਫਾ ਦੇ ਕੇ ਕਿਸਾਨਾਂ ਦੀ ਆਵਾਜ਼ ਬੁਲੰਦ ਕੀਤੀ - ਜੋਗੀ ਨਿਮਾਣਾ

ਬੰਗਾ 22 ਸਤੰਬਰ (ਮਨਜਿੰਦਰ ਸਿੰਘ ) ਸ਼੍ਰੋਮਣੀ ਅਕਾਲੀ ਦਲ ਦੇ ਕੌਮੀ ਜਨਰਲ ਕੌਂਸਲ ਮੈਂਬਰ ਜੋਗਰਾਜ ਜੋਗੀ  ਨਿਮਾਣਾ ਨੇ ਇਕ ਵਾਰਤਾ ਦੌਰਾਨ ਬੀਬੀ ਹਰਸਿਮਰਤ ਕੌਰ ਬਾਦਲ ਦੇ ਕੇਂਦਰੀ ਮੰਤਰੀ ਮੰਡਲ ਤੋਂ ਅਸਤੀਫਾ ਦੇਣ ਦੇ ਫੈਸਲੇ ਦੀ ਸਲਾਘਾ ਕਰਦਿਆਂ ਕਿਹਾ ਕਿ ਬੀਬੀ ਬਾਦਲ ਦੇ ਅਸਤੀਫ਼ੇ ਨੇ ਸਾਬਤ ਕਰ ਦਿੱਤਾ ਹੈ ਕਿ ਸ਼੍ਰੋਮਣੀ ਅਕਾਲੀ ਦਲ ਕਿਸਾਨਾਂ ਦੇ ਹਿੱਤ ਲਈ ਹਰ ਤਰ੍ਹਾਂ ਦੀ ਕੁਰਬਾਨੀ ਦੇਣ ਨੂੰ ਤਿਆਰ ਹੈ । ਉਨ੍ਹਾਂ ਕਿਹਾ ਕਿ ਅਕਾਲੀ ਦਲ ਦਾ 100 ਸਾਲ ਦਾ ਇਤਿਹਾਸ ਗਵਾਹ ਹੈ ਕਿ ਕਿਸਾਨਾਂ ਦੇ ਹਿੱਤ ਲਈ ਇਸ ਪਾਰਟੀ ਨੇ ਸਮੇਂ ਸਮੇਂ ਦੀਆਂ ਸਰਕਾਰਾਂ ਨਾਲ ਟੱਕਰ ਲਈ ਅਤੇ  ਲੀਡਰਾਂ ਨੇ ਲੰਬੀਆਂ ਜੇਲ੍ਹਾਂ ਕਟੀਆ ਪਰ ਕਿਸਾਨਾਂ ਦਾ ਨੁਕਸਾਨ ਨਹੀਂ ਹੋਣ ਦਿੱਤਾ । ਉਨ੍ਹਾਂ  ਕੇਂਦਰ ਦੀ ਮੋਦੀ ਸਰਕਾਰ ਨੂੰ ਨਸੀਅਤ ਦੇਂਦੀਆ ਕਿਹਾ ਕਿ ਅਜੇ ਵੀ ਡੁੱਲ੍ਹੇ ਬੇਰਾਂ ਦਾ ਕੁਝ ਨਹੀਂ ਵਿਗੜਿਆ ਕੇਂਦਰ ਨੂੰ ਚਾਹਿਦਾ ਹੈ ਕਿ ਬਿਨਾਂ ਸਮਾਂ ਗਵਾਏ ਇਸ ਕਿਸਾਨ ਮਾਰੂ ਕਾਨੂੰਨ ਨੂੰ ਵਾਪਿਸ ਲਿਆ ਜਾਵੇ ਤਾਂ ਜੋ ਅਕਾਲੀ ਦਲ ਨਾਲ ਪੁਰਾਣੀ ਸਾਂਝ ਕਾਇਮ ਰਹਿ ਸਕੇ । ਉਨਾਂ ਆਪਣੇ ਇਲਾਕੇ ਦੇ ਸਾਰੇ ਵਰਗ ਦੇ ਲੋਕਾਂ ਨੂੰ 25 ਦੇ ਬੰਦ ਲਈ ਪੂਰਨ ਸਹਿਯੋਗ ਦੀ ਅਪੀਲ ਵੀ ਕੀਤੀ ।ਇਸ ਮੌਕੇ ਉਨਾਂ ਨਾਲ ਮਹਿੰਦਰ ਸਿੰਘ ਮਜਾਰੀ,ਬਲਵੀਰ ਮੰਢਾਲੀ,ਪੰਡਿਤ ਰਾਜੀਵ ਸ਼ਰਮਾ ਕੁਲਥਮ,ਭਜਨ ਸਿੰਘ ਬਹਿਰਾਮ,ਮੱਖਣ ਲਾਲ ਬੰਗਾ,ਰੋਸਨਦੀਪ ਕਰਨਾਣਾ,ਅਮਰੀਕ ਬੰਗਾ,ਜੈਰਾਮ ਸਿੰਘ ,ਜਸਵੰਤ ਰਾਏ ਚੱਕਗੁਰੂ ,ਨੰਬਰਦਾਰ ਟਿੰਬਰ ਨਾਸਿਕ ,ਮਦਨ ਲਾਲ ਪੰਚ ਚੱਕਮਾਈਦਾਸ ਆਦਿ ਹਾਜ਼ਰ ਸਨ ।