ਬੰਗਾ, 27ਮੲੀ ( ਮਨਜਿੰਦਰ ਸਿੰਘ,ਪ੍ਰੇਮ ਜੰਡਿਆਲੀ ) ਕਰੋਨਾ ਮਹਾਂਮਾਰੀ ਤਾਲਾਬੰਦੀ ਕਰਕੇ ਲੋਕਾਂ ਦੇ ਆਰਥਿਕ ਹਲਾਂਤਾਂ ਨੂੰ ਦੇਖਿਆ ਹੋਇਆ ਤਰਸੇਮ ਸਿੰਘ ਨੋਤਾ ( ਖਟਕੜ ਕਲਾਂ ਵਾਲੇ ) ਯੂ ਕੇ ਤੋਂ ਆਏ ਪ੍ਰਵਾਸੀ ਭਾਰਤੀ ਇਲਾਕੇ ਦੇ ਵੱਖ-ਵੱਖ ਪਿੰਡਾਂ ਵਿਚ 5000 ਰਾਸ਼ਨ ਕਿੱਟਾਂ ਵੰਡ ਚੁਕੇ ਹਨ ਇਸ ਸੇਵਾ ਦੀ ਸ਼ੁਰੂਆਤ ਉਨ੍ਹਾਂ ਨੇ 25 ਮਾਰਚ ਨੂੰ ਆਪਣੇ ਪਿੰਡ ਖਟਕੜ ਕਲਾ ਤੋਂ ਕੀਤੀ ਜਿਸ ਨੂੰ ਅੱਜ 2 ਮਹੀਨੇ ਤੋਂ ਵੱਧ ਸਮਾਂ ਹੋ ਚੁੱਕਾ ਹੈ ਉਸ ਦਿਨ ਤੋਂ ਬਾਦ ਕੋਈ ਵੀ ਦਿਨ ਇਸ ਤਰਾਂ ਦਾ ਨਹੀਂ ਹੋਣਾ ਜਿਸ ਦਿਨ ਲੋੜਵੰਦਾਂ ਨੂੰ ਰਾਸ਼ਨ ਨਾ ਵੰਡਿਆ ਹੋਵੇ ਅੰਗਦ ਸਿੰਘ ਵਿਧਾਇਕ ਹਲਕਾ ਨਵਾਂਸ਼ਹਿਰ ਉਨ੍ਹਾਂ ਦੇ ਸਮਾਜ ਸੇਵੀ ਉਪਰਾਲਿਆਂ ਦੀ ਸ਼ਲਾਘਾ ਕਰ ਚੁਕੇ ਹਨ ਉਨ੍ਹਾਂ ਨੂੰ ਕਾਹਮਾ ਗਰਾਮ ਪੰਚਾਇਤ ਅਤੇ ਸ੍ਰੀ ਗੁਰੂ ਰਵਿਦਾਸ ਪ੍ਰੰਬਧਕ ਕਮੇਟੀ ਵਲੋਂ ਵਿਸ਼ੇਸ਼ ਤੌਰ ਤੇ ਸਨਮਾਨਤ ਵੀ ਕੀਤਾ ਜਾ ਚੁੱਕਾ ਹੈ । ਇਨ੍ਹਾਂ ਗੱਲਾਂ ਦਾ ਪ੍ਰਗਟਾਵਾ ਭਾਗਮੱਲ ਕਰੀਹਾ ਨੇ ਅੱਜ ਉਨ੍ਹਾਂ ਦੇ ਪਿੰਡ ਕਰੀਹਾ ਵਿਖੇ ਨੋਤਾਂ ਵਲੋਂ ਰਾਸ਼ਨ ਕਿੱਟਾ ਵੰਡਣ ਮੌਕੇ ਕੀਤਾ |ਸਮਾਜ ਸੇਵਕ ਤਰਸੇਮ ਸਿੰਘ ਨੋਤਾ ਨੇ ਇਸ ਮੌਕੇ ਚੋਣਵੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਆਰਥਿਕ ਹਲਾਤਾਂ ਨਾਲ ਪ੍ਰੇਸ਼ਾਨੀਆਂ ਨਾਲ਼ ਜੁਝਣ ਕਰਕੇ ਲੋੜਵੰਦ ਲੋਕਾਂ ਨੂੰ ਰੋਜ਼ਾਨਾ ਵਰਤਣਯੋਗ ਰਾਸ਼ਨ ਵੰਡਿਆ ਜਾ ਰਿਹਾ ਹੈ ਤਾਂ ਕੀ ਉਹ ਭੁੱਖੇ ਸੌਣ ਲਈ ਮਜਬੂਰ ਨਾ ਹੋਣ |
ਉਨਾਂ ਕਿਹਾ ਕਿ ਸਮਾਜ ਭਲਾਈ ਦੇ ਕੰਮ ਆਪਣੀ ਪਤਨੀ ਸਵਰਗਵਾਸੀ ਮਹਿੰਦਰ ਕੌਰ ਦੀ ਯਾਦ ਵਿੱਚ ਪਿਤਾ ਸਵਰਨ ਸਿੰਘ ਅਤੇ ਬਾਬਾ ਦਲੀਪ ਸਿੰਘ ਦੀ ਪ੍ਰੇਰਨਾ ਸਦਕਾ ਗ਼ਰੀਬ ਅਤੇ ਲੋੜਵੰਦ ਪਰਿਵਾਰਾਂ ਨੂੰ ਰਾਸ਼ਨ ਕਿੱਟਾਂ ਵੰਡ ਕੇ ਕਰ ਰਹੇ ਹਨ ਇਸ ਕਿੱਟ ਵਿਚ ਆਟਾ 10 ਕਿਲੋ,ਖੰਡ ਚਾਹਪੱਤੀ,ਰਿਫਾਇੰਡ, ਤੇਲ ਚਾਵਲ,ਪਿਆਜ਼,ਆਲੂ, ਕਪੜੇ ਧੋਣ ਤੇ ਨਹੁੰਣ ਵਾਲਾਂ ਸਾਬਣ ਆਦਿ , ਕੁਲ 13ਚੀਜ਼ਾਂ ਸ਼ਾਮਲ ਹਨ।ਅੱਜ ਪਿੰਡ ਕਰੀਹਾ ਵਿੱਚ ਵੰਡੀਆਂ ਗਈਆਂ 600 ਕਿਟਾ ਮਿਲਾ ਕੇ ਹੁਣ ਤਕ ਉਹ 5000 ਤੋਂ ਵੱਧ ਕਿੱਟਾ ਵੰਡ ਚੁਕੇ ਹਨ ਜਿਸ ਨਾਲ ਉਨ੍ਹਾਂ ਦਾ 28 ਲੱਖ ਤੋਂ ਵੱਧ ਖਰਚ ਹੋ ਚੁੱਕਾ ਹੈ |ਉਨ੍ਹਾਂ ਦੱਸਿਆ ਕਿ ਇਹ ਸੇਵਾ ਉਹ ਨਿਰਸਵਾਰਥ ਪਾਰਟੀਬਾਜੀ ਤੋਂ ਉਪਰ ਉੱਠ ਕੇ ਕਰ ਰਹੇ ਹਨ | ਇਸ ਮੌਕੇ ਉਨ੍ਹਾਂ ਨਾਲ ਗੋਰਖਾ ਮੰਗੂਵਾਲ, ਬਾਬਾ ਹਨੀ, ਮੱਖਣ, ਪਿੰਦਰਜੀਤ ਸਿੰਘ, ਬਿੱਲਾ ਨੋਤਾਂ ਜਿਮ ਵਾਲਾ,, ਸੁਰਜੀਤ ਸਿੰਘ, ਅਰਮਾਨ ਝੰਡਾ, ਸੀਰ, ਹਨੀ, ਜੋਰਾ ਢੋਲੀ ਅਤੇ ਵਿਜੇ ਕੁਮਾਰ ਸਰਪੰਚ ਹਾਜਰ ਸਨ
No comments:
Post a Comment