ਮਨੂੰਖੀ ਅਧਿਕਾਰ ਮੰਚ ਵੱਲੋ ਤਨਦੇਹੀ ਨਾਲ ਸੇਵਾ ਨਿਭਾ ਰਹੇ ਮੁਲਾਜਮਾ ਨੂੰ ਕੀਤਾ ਗਿਆ ਸਨਮਾਨਿਤ।

ਫਤਿਹਗੜ੍ਹਸਾਹਿਬ 3ਮਈ (ਪ ਪ ਸੱਚ ਕੀ ਬੇਲਾ )- ਅੱਜ ਕੌਮੀ ਪ੍ਰਧਾਨ ਡਾ ਜਸਵੰਤ ਸਿੰਘ ਖੇੜਾ ਮਨੂੰਖੀ ਅਧਿਕਾਰ ਮੰਚ ਨੇ ਤਨਦੇਹੀ ਨਾਲ ਸੇਵਾ ਨਿਭਾ ਰਹੇ ਥਾਣਾ ਬਡਾਲੀ ਆਲਾ ਸਿੰਘ ਦੇ ਸਾਰੇ ਹੀ ਮੁਲਾਜਮਾ ਨੂੰ ਸਾਲ 2020 ਦੀ ਡਾਇਰੀ ਅਤੇ ਸੈਨੇਟਾਈਜਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਨਾਂ ਗੱਲਾਂ ਦਾ ਪ੍ਰਗਟਾਵਾ ਸੰਸਥਾ ਦੇ ਕੌਮੀ ਪ੍ਰਧਾਨ ਡਾ ਜਸਵੰਤ ਸਿੰਘ ਖੇੜਾ,ਰਮਨੀਤ ਕੌਰ  ਮੁਖਰਜੀ ਕੌਮੀ ਚੈਆਰਪਰਸਨ ਐਂਟੀ ਕਰਾਈਮ,ਵਰਿੰਦਰ ਸ਼ਰਮਾ ਚੇਅਰਮੈਨ ਆਰ ਟੀ ਆਈ ਨੇ ਕੀਤਾ। ਉਨ੍ਹਾ ਕਿਹਾ ਕਿ ਅੱਜ ਲੋਕ ਕਰੋਨਾ ਵਾਇਰਸ ਮਹਾਂਮਾਰੀ ਕਰਕੇ ਅਪਣੇ ਅਪਣੇ ਘਰਾ ਵਿੱਚ ਬੰਦ ਹਨ ਪਰ ਪੰਜਾਬ ਪੁਲਿਸ ਦੁੱਖ ਭਰੇ ਟਾਈਮ ਵਿੱਚ ਅਪਣੀ ਜਾਨ ਜੋਖਮ ਵਿਚ ਪਾ ਕੇ 24 ਘੰਟੇ ਡਿਉਟੀ ਕਰ ਰਹੀ ਹੈ। ਉਨਾਂ ਇਹ ਵੀ ਆਖਿਆ ਕਿ ਪੰਜਾਬ ਪੁਲਿਸ,ਸਿਹਤ ਕਰਮਚਾਰੀ,ਸਫਾਈ ਕਰਮਚਾਰੀ,ਪੱਤਰਕਾਰ ਅਤੇ ਸਮਾਜ ਸੇਵੀ ਸੰਸਥਾਵਾਂ ਦੇ ਕਰਮਚਾਰੀ ਸ਼ਲਾਘਾਯੋਗ ਕੰਮ ਕਰ ਰਹੇ ਹਨ। ਮਨੂੰਖੀ ਅਧਿਕਾਰ ਮੰਚ ਪੰਜਾਬ ਅਤੇ ਦੂਜੇ ਸੂਬਿਆਂ ਵਿੱਚ ਵੀ ਸੇਵਾ ਨਿਭਾ ਰਹੇ ਹੈ। ਇਨਾਂ ਮੁਲਾਜਮਾ ਦਾ ਮਾਨ ਸਨਮਾਨ ਕਰਦਾ ਆ ਰਿਹਾ ਹੈ। ਇਸ ਮੌਕੇ ਹੋਰਨਾ ਤੋ ਇਲਾਵਾ ਅਮਰਵੀਰ ਪ੍ਰਧਾਨ ਬਲਾਕ ਖੇੜਾ,ਮਨੋਜ ਕਪੂਰ,ਗੋਰਵ ਕੋਸ਼ਲ ਅਤੇ ਸੁਲੱਖਣ ਸਿੰਘ ਆਦਿ ਹਾਜ਼ਰ ਸਨ।