ਬੰਗਾ 10 ਜਨਵਰੀ (ਮਨਜਿੰਦਰ ਸਿੰਘ)ਬੰਗਾ ਸਾਹਲੋਂ ਰੋਡ ਜੋ ਕੇ ਕਰੀਬ 10 ਕਿਲੋਮੀਟਰ ਲੰਬੀ ਹੈ ਦੇ ਦੋਨੋਂ ਪਾਸੇ ਸੈਂਕੜੇ ਸੁੱਕੇ ਦਰਖ਼ਤ ਜਿਨ੍ਹਾਂ ਵਿੱਚ ਟਾਹਲੀਆਂ ਅਤੇ ਹੋਰ ਦਰਖਤ ਹਨ ਜੋ ਕਿ ਸੜਕ ਵੱਲ ਨੂੰ ਚੁੱਕੇ ਹੋਏ ਹਨ ,ਕਿਸੇ ਵੇਲੇ ਵੀ ਡਿੱਗ ਸਕਦੇ ਹਨ ਜਿਸ ਨਾਲ ਸੜਕ ਤੇ ਜਾ ਰਹੇ ਲੋਕਾਂ ਨਾਲ ਕੋਈ ਵੀ ਹਾਦਸਾ ਵਾਪਰ ਸਕਦਾ ਹੈ। ਇਸ ਗੱਲ ਦਾ ਪ੍ਰਗਟਾਵਾ ਸਹੀਦ ਭਗਤ ਸਿੰਘ ਸੋਸ਼ਲ ਵੈਲਫੇਅਰ ਐਂਡ ਕਲਚਰਲ ਸੁਸਾਇਟੀ ਪੰਜਾਬ ਦੇ ਪ੍ਰਧਾਨ ਅਮਰਜੀਤ ਸਿੰਘ ਕਰਨਾਣਾ ਨੇ ਕਰਦਿਆਂ ਕਿਹਾ ਕਿ ਇਨ੍ਹਾਂ ਦਰੱਖਤਾਂ ਨੂੰ ਜਲਦ ਤੋਂ ਜਲਦ ਹਟਾ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਰੋਡ ਤੇ ਵਸੇ ਪਿੰਡ ਕਰਨਾਣਾ,ਨਾਗਰਾ,ਭੁੱਖੜੀ,ਦੁਸਾਂਝ ਖੁਰਦ,ਸਾਹਲੋਂ ਆਦਿ ਪਿੰਡਾਂ ਦੇ ਲੋਕ ਸੜਕਾਂ ਦੇ ਮਹਿਕਮੇ ਪੀ ਡਬਲਯੂ ਡੀ ਦੇ ਅਧਿਕਾਰੀਆਂ ਨੂੰ ਇਸ ਸਮੱਸਿਆ ਬਾਰੇ ਜਾਣਕਾਰੀ ਦੇ ਚੁੱਕੇ ਹਨ ਉਹ ਵਾਧਾ ਕਰ ਦੇਂਦੇ ਹਨ ਪਰ ਹੱਲ ਨਹੀਂ ਕਰ ਰਹੇ।ਉਨ੍ਹਾਂ ਕਿਹਾ ਕਿ ਸਾਡੀ ਸੁਸਾਇਟੀ ਪ੍ਰਸਾਸਨ ਨੂੰ ਪੁਰਜ਼ੋਰ ਅਪੀਲ ਕਰਦੀ ਹੈ ਕਿ ਇਨਸਾਨੀ ਜ਼ਿੰਦਗੀਆਂ ਦੀ ਕਦਰ ਕੀਮਤ ਨੂੰ ਸਮਝਦਿਆਂ ਹੋਈਆ ਇਸ ਸਮੱਸਿਆ ਦਾ ਜਲਦੀ ਤੋਂ ਜਲਦੀ ਹੱਲ ਕੀਤਾ ਜਾਵੇ ।ਇਸ ਮੌਕੇ ਗੁਰਮੇਜ ਰਾਮ ਸਰਪੰਚ ਭੂਖੜੀ,ਸਤਪਾਲ ਬਹਾਦਰਪੁਰ ਸੀਤਲ ਸਿੰਘ ਭੁੱਖੜੀ,ਚੰਦਰ ਪ੍ਰਕਾਸ਼,ਬਿੱਟੂ ਕਰਨਾਣਾ ਆਦਿ ਹਾਜ਼ਰ ਸਨ ।
No comments:
Post a Comment