ਗੀਤ - ਪੱਤਰਕਾਰ ਵੀ ਨੇ ਦੁਨੀਆਂ ਵਾਲਿਓ ਲੋਕਾਂ ਚ ਗਿਆਨ ਵੰਡਦੇ :

  

     

ਗੀਤਕਾਰ- ਪ੍ਰਸ਼ੋਤਮ ਰਸੂਲਪੁਰੀ 

ਪਹਿਲਾਂ ਪੱਤੇ ਉੱਤੇ ਲਿਖੇ ਜਾਂਦੇ ਸੰਦੇਸ਼ ਸੀ 

ਭੇਜੇ ਜਾਂਦੇ ਸਨ ਦੇਸ਼ ਤੇ ਵਿਦੇਸ਼  ਜੀ 

ਫਿਰ ਕੱਪੜਾ ਕਾਗਜ਼ ਅਤੇ  ਰੇਡੀਓ 

ਹੁਣ ਆਉਂਦੇ ਟੀਵੀ ਉੱਤੇ ਕਈ ਰੰਗ ਦੇ 

ਪੱਤਰਕਾਰ ਵੀ ਨੇ ਦੁਨੀਆਂ ਵਾਲਿਓ ਲੋਕਾਂ ਚ ਗਿਆਨ ਵੰਡਦੇ 

ਭਾਵੇਂ ਜ਼ਮੀਨ ਹੋਵੇ ਭਾਵੇਂ ਆਕਾਸ਼ ਪਤਾਲ ਜੀ 

ਖੋਜ ਖ਼ਬਰਾਂ ਲਿਆਉਂਦੇ  ਕਰ ਪੜਤਾਲ ਜੀ 

ਕਈ ਲਾਉਂਦੇ ਨੇ ਜਾਨ ਦੀਆਂ ਬਾਜ਼ੀਆਂ 

ਲਾਉਂਦੇ ਜਿਵੇਂ ਫ਼ੌਜੀ ਵਿੱਚ    ਜੰਗ ਦੇ 

ਪੱਤਰਕਾਰ ਵੀ ਨੇ ਦੁਨੀਆਂ ਵਾਲਿਓ ਲੋਕਾਂ ਚ ਗਿਆਨ ਵੰਡਦੇ 

ਖ਼ਬਰ ਵੱਡੀ ਹੋਵੇ ਜਾਂ ਹੋਵੇ ਮਾੜੀ ਮੋਟੀ ਜੀ 

ਕਦੇ ਮਾਰਦੇ   ਨਾ ਚੱਲਿਆਂ  ਚ ਸੋਟੀ  ਜੀ 

ਨਹੀਂ ਡਰਦੇ ਇਹ ਤੇਜ਼ ਤਲਵਾਰਾਂ ਤੋਂ 

ਸੱਚਾਈ ਨਾ ਕਦੇ ਹੱਦਾਂ ਵਿੱਚ ਬੰਨ੍ਹ ਦੇ 

ਪੱਤਰਕਾਰ ਵੀ ਨੇ ਦੁਨੀਆਂ ਵਾਲਿਓ ਲੋਕਾਂ ਚ ਗਿਆਨ ਵੰਡਦੇ 

ਭਾਵੇਂ ਰੱਖਦੇ ਨੇ ਇਹ ਦੁਨੀਆਂ ਦਾ ਖਿਆਲ ਜੀ 

ਕਿਸੇ ਪੁੱਛਿਆ ਨਾ ਕਦੇ ਪੱਤਰਕਾਰਾਂ ਦਾ ਹਾਲ ਜੀ 

ਹਰ ਕੰਮ ਦੀਆਂ ਤਨਖਾਹਾਂ ਨੇ ਪੱਕੀਆਂ 

ਇਹ ਨਾ ਕਦੇ ਆਪਣਾ ਹੱਕ ਮੰਗਦੇ 

ਪੱਤਰਕਾਰ ਵੀ ਨੇ ਦੁਨੀਆਂ ਵਾਲਿਓ ਲੋਕਾਂ ਚ ਗਿਆਨ ਵੰਡਦੇ 

  

ਮਨੁੱਖੀ ਅਧਿਕਾਰ ਮੰਚ ਦੀ ਵਿਸ਼ੇਸ਼ ਇਕੱਤਰਤਾ ਬੰਗਾ ਵਿਖੇ ਹੋਈ - ਇੰਦਰਜੀਤ ਮਾਨ

ਬੰਗਾ 12,ਜੁਲਾਈ (ਮਨਜਿੰਦਰ ਸਿੰਘ ) 

ਮਨੁੱਖੀ ਅਧਿਕਾਰ ਮੰਚ ਦੀ ਵਿਸ਼ੇਸ਼ ਇਕੱਤਰਤਾ ਕੌਮੀ ਪ੍ਰਧਾਨ ਜਸਵੰਤ ਸਿੰਘ ਖੇੜਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਬੰਗਾ ਬਲਾਕ ਦੇ ਅਡਵਾਈਜ਼ਰੀ ਕਮੇਟੀ ਦੇ ਚੇਅਰਮੈਨ ਗੁਲਸ਼ਨ ਕੁਮਾਰ ਦੀ ਪ੍ਰਧਾਨਗੀ ਹੇਠ ਹੋਈ । ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਚੇਅਰਮੈਨ ਆਰਟੀਆਈ ਸੈੱਲ ਇੰਦਰਜੀਤ ਸਿੰਘ ਮਾਨ ਨੇ ਕਿਹਾ ਕਿ ਇਸ ਮੌਕੇ ਪੰਜਾਬ ਚੇਅਰਮੈਨ ਚੇਤ ਰਾਮ ਰਤਨ ਅਤੇ ਪੰਜਾਬ ਬੁਲਾਰਾ ਮਨਜਿੰਦਰ ਸਿੰਘ ਵਿਸ਼ੇਸ਼ ਤੌਰ ਤੇ ਪਹੁੰਚੇ ।ਇਸ ਮੌਕੇ ਪੰਜਾਬ ਚੇਅਰਮੈਨ ਚੇਤ ਰਾਮ ਰਤਨ ਨੇ ਕਿਹਾ ਕਿ ਬੰਗਾ ਇਲਾਕੇ ਵਿੱਚ  ਕੋਰੋਨਾ ਸੈਂਟਰ ਬਣੇ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਢਾਹਾਂ ਕਲੇਰਾਂ ਦੇ ਡਾਕਟਰਾਂ ਅਤੇ ਸਟਾਫ ਨਾਲ ਸੰਪਰਕ ਕਰਕੇ ਉੱਥੇ ਕਰੋਨਾ ਪੌਜ਼ੀਟਿਵ ਮਰੀਜ਼ ਜੋ ਇਕਾਂਤਵਾਸ ਕੀਤੇ ਗਏ ਹਨ ਮੰਚ ਵੱਲੋਂ ਉਨ੍ਹਾਂ ਦੀ ਹਰ ਤਰ੍ਹਾਂ ਦੀ ਜ਼ਰੂਰਤ ਪੂਰੀ ਕੀਤੀ ਜਾਵੇਗੀ ਉਨ੍ਹਾਂ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸੇਵਾਵਾਂ ਦੀ ਸ਼ਲਾਘਾ ਕੀਤੀ ।ਮਨਜਿੰਦਰ ਸਿੰਘ ਬੁਲਾਰਾ ਨੇ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਕੋਰੋਨਾ ਤੇਜ਼ੀ ਨਾਲ ਫੈਲ ਰਿਹਾ ਹੈ ਇਸ ਲਈ ਪ੍ਰਸ਼ਾਸਨ ਵੱਲੋਂ ਦਿੱਤੀਆਂ ਹਦਾਇਤਾਂ ਅਨੁਸਾਰ ਇਤਿਆਦ ਵਰਤਿਆ ਜਾਵੇ  । ਇੰਦਰਜੀਤ  ਮਾਨ ਨੇ ਕਿਹਾ ਕਿ ਜੇ ਕਿਸੇ ਨੂੰ ਕੋਰੋਨਾ  ਦੇ ਲੱਛਣ ਮਹਿਸੂਸ ਹੋਣ ਤਾਂ ਉਹ ਮੰਚ ਨਾਲ ਸੰਪਰਕ ਕਰ ਸਕਦਾ ਹੈ ।                                                 

ਬੰਗਾ ਬਲਾਕ ਅਡਵਾਈਜ਼ਰੀ ਕਮੇਟੀ ਚੇਅਰਮੈਨ ਗੁਲਸ਼ਨ ਕੁਮਾਰ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਮੰਚ ਨਵੀਆਂ ਨਿਯੁਕਤੀਆਂ ਅਤੇ ਸਨਮਾਨ ਕਰਨ ਤੱਕ ਹੀ ਸੀਮਤ ਨਹੀਂ ਰਹੇਗਾ ਮਨੁੱਖਤਾ ਦੇ ਭਲੇ ਲਈ ਹਰ ਇੱਕ ਲੋੜੀਂਦੇ ਕਾਰਜਾਂ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ ਉਨ੍ਹਾਂ ਬੰਗਾ ਬਲਾਕ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਦੁੱਖ ਦੀ ਘੜੀ ਵਿੱਚ ਮੰਚ ਨਾਲ ਸੰਪਰਕ ਕੀਤਾ ਜਾਵੇ ਮੰਚ ਉਨ੍ਹਾਂ ਦੇ ਦੁੱਖ ਦੂਰ ਕਰਨ ਵਿੱਚ ਪੂਰਨ ਸਹਾਈ ਹੋਵੇਗਾ ।

ਸਰਕਾਰ ਲੋਕਾਂ ਨੂੰ ਰਾਹਤ ਦੇਣ ਦੀ ਬਜਾਏ ਹੋਰ ਬੋਝ ਪਾ ਰਹੀ ਹੈ - ਇੰਦਰਜੀਤ ਮਾਨ

ਬੰਗਾ 8,ਜੁਲਾਈ (ਮਨਜਿੰਦਰ ਸਿੰਘ ) ਜਿਸ ਤਰ੍ਹਾਂ ਭਾਰਤ ਸਰਕਾਰ ਪੈਟਰੋਲ ਡੀਜ਼ਲ ਦੇ ਰੇਟ ਵਧਾ ਰਹੀ ਹੈ ਅਤੇ ਪ੍ਰਾਈਵੇਟ ਸਕੂਲਾਂ ਦੇ ਮਾਲਕ  ਬੱਚਿਆਂ ਦੇ  ਮਾਤਾ ਪਿਤਾ  ਨੂੰ ਫ਼ੀਸਾਂ ਦੇਣ ਲਈ ਮਜਬੂਰ ਕਰ ਰਹੇ ਹਨ  ਇਸ ਤੋਂ ਸਾਬਤ ਹੁੰਦਾ ਹੈ ਕਿ ਸਰਕਾਰਾਂ ਨੂੰ ਕਿਸੇ ਵੀ ਵਰਗ ਦਾ ਕੋਈ ਫਿਕਰ ਨਹੀਂ ਹੈ  ਇਸ ਗੱਲ ਦਾ ਪ੍ਰਗਟਾਵਾ ਕਰਦਿਆਂ  ਐਨ ਆਰ ਆਈ ਨੰਬਰਦਾਰ , ਜਨਰਲ ਕੌਾਸਲ ਮੈਂਬਰ ਸ਼੍ਰੋਮਣੀ ਅਕਾਲੀ ਦੱਲ  ਅਤੇ ਜ਼ਿਲ੍ਹਾ ਚੇਅਰਮੈਨ ਆਰਟੀਆਈ ਮਨੁੱਖੀ ਅਧਿਕਾਰ ਮੰਚ  ਇੰਦਰਜੀਤ ਸਿੰਘ ਮਾਨ ਨੇ ਚੋਣਵੇਂ ਪੱਤਰਕਾਰਾਂ ਨਾਲ ਵਾਰਤਾ ਦੌਰਾਨ ਕਿਹਾ ਕੇ ਦੋ ਮਹੀਨੇ ਦੇ ਲੋਕ ਡਾਊਨ  ਤੋਂ ਬਾਅਦ ਲੋਕਾਂ ਦੀ ਆਰਥਿਕ ਹਾਲਤ  ਪਹਿਲਾਂ ਹੀ ਬਹੁਤ ਖਰਾਬ ਹੋ ਚੁੱਕੀ ਹੈ ਹੁਣ ਕੇਂਦਰ ਦੀ ਮੋਦੀ ਸਰਕਾਰ ਅਤੇ ਕੈਪਟਨ ਸਾਹਿਬ ਦੀ ਪੰਜਾਬ  ਸਰਕਾਰ ਲੋਕਾਂ ਦਾ ਕਚੂੰਬਰ ਕੱਢਣ ਵਿਚ ਕੋਈ ਕਸਰ  ਨਹੀਂ ਛੱਡ ਰਹੀ   ਇਸ ਮਹਾਂਮਾਰੀ ਦੇ ਦੌਰ ਵਿਚ ਲੋਕਾਂ ਦੀ ਸਹਾਇਤਾ ਕਰਨ ਦੀ ਬਜਾਏ ਨਿੱਤ ਨਵਾਂ ਬੋਝ ਪਾਇਆ ਜਾ ਰਿਹਾ ਹੈ ।ਉਨ੍ਹਾਂ ਨੇ ਸਰਕਾਰਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਕੀਤਾ ਵਾਧਾ ਵਾਪਸ ਲਿਆ ਜਾਵੇ ਅਤੇ ਹਰ ਵਰਗ ਨੂੰ ਆਰਥਿਕ ਸਹਾਇਤਾ ਦਿੱਤੀ ਜਾਵੇ ਤਾਂ ਕਿ ਉਨ੍ਹਾਂ ਦਾ ਜਨ ਜੀਵਨ ਪਟੜੀ ਤੇ ਆ ਸਕੇ ।     ।        

ਇਸ ਮੌਕੇ ਜੋਗਰਾਜ ਜੋਗੀ ਨਿਮਾਣਾ ਮੈਂਬਰ ਜਨਰਲ ਕੌਂਸਲ ਸ਼੍ਰੋਮਣੀ  ਅਕਾਲੀ ਦਲ ਨੇ ਪੰਜਾਬ ਸਰਕਾਰ ਨੂੰ ਵਿਸ਼ੇਸ਼ ਤੌਰ ਤੇ ਅਪੀਲ ਕਰਦਿਆਂ  ਕਿਹਾ ਕਿ ਮਾਨਯੋਗ  ਹਾਈ ਕੋਰਟ ਦੇ ਪ੍ਰਾਈਵੇਟ ਸਕੂਲਾਂ ਦੇ ਬੱਚਿਆਂ ਦੀਆਂ ਪੂਰੀਆਂ ਫੀਸਾਂ ਦੇਣ ਵਾਲੇ ਫੈਸਲੇ ਤੇ ਪੈਰਵਾਈ ਕਰਕੇ ਰੋਕ ਲਗਵਾਈ ਜਾਵੇ ਜਾਂ ਸਰਕਾਰ ਆਪਣੇ ਖ਼ਜ਼ਾਨੇ ਵਿੱਚੋਂ ਬੱਚਿਆਂ ਦੀਆਂ ਫ਼ੀਸਾਂ ਦੀ ਭਰਵਾਈ ਕਰੇ ।ਇਸ ਮੌਕੇ ਨੰਬਰਦਾਰ ਟਿੰਬਰ ਨਾਸ਼ਕ ਮਹਿੰਦਰ ਸਿੰਘ ਅਵਤਾਰ ਚੰਦ ਸਤਨਾਮ ਸਿੰਘ ਬਾਲੋਂ ਧਰਮਪਾਲ ਅਮਰੀਕ ਸਿੰਘ ਜਸਕਰਨ ਮਾਨ ਅਮਰਜੀਤ ਸਿੰਘ ਮੁਖਤਿਆਰ ਸਿੰਘ ਆਦਿ ਹਾਜ਼ਰ ਸਨ ।

ਲਾਇਨ ਕਲੱਬ ਨਿਸਚੇ ਨੇ ਸਾਲ ਦੀ ਸ਼ੁਰੂਆਤ ਮੌਕੇ ਕੀਤੀ ਗ਼ਰੀਬ ਲੜਕੀ ਦੇ ਵਿਆਹ ਵਿੱਚ ਮਦਦ ਮਨਜਿੰਦਰ ਸਿੰਘ ਕਲੱਬ ਦੇ ਪ੍ਰੈੱਸ ਸਕੱਤਰ ਨਿਯੁਕਤ

ਬੰਗਾ 4'ਜੁਲਾਈ (ਮਨਜਿੰਦਰ ਸਿੰਘ )ਲਾਇਨਜ਼ ਕਲੱਬ ਬੰਗਾ ਨਿਸ਼ਚੇ ਵੱਲੋਂ ਨਵੇਂ ਸਾਲ ਦੀ ਸ਼ੁਰੂਆਤ ਪ੍ਧਾਨ ਰਾਜਵਿੰਦਰ ਸਿੰਘ ਜੀ ਦੀ ਅਗਵਾਈ ਹੇਠ,ਜ਼ਿਲ੍ਹਾ 321 ਡੀ ਦੇ ਗਵਰਨਰ   ਲਾਇਨ ਹਰਦੀਪ ਸਿੰਘ ਜੀ ਦੇ ਦਿਸ਼ਾ-ਨਿਰਦੇਸ਼ ਅਨੁਸਾਰ ਪਿੰਡ ਪੁੰਨਿਆ ਵਿਖੇ ਲੋੜਵੰਦ ਪਰਿਵਾਰ ਦੀ ਲੜਕੀ ਦੇ ਵਿਆਹ ਦੇ ਸ਼ੁਭ ਮੋਕੇ ਤੇ ਜਨਰਲ ਸਕੱਤਰ ਲਾਇਨ ਹਰਵਿੰਦਰ ਕੁਮਾਰ ਅਤੇ ਖਜਾਨਚੀ ਲਾਇਨ ਲਖਵੀਰ ਰਾਮ ਜੀ ਵਲੋਂ ਸਿਲਾਈ ਮਸ਼ੀਨ ਅਤੇ ਕਲੱਬ ਵੱਲੋਂ 1500 ਰੁਪਏ ਦੀ ਸ਼ਗਨ ਰਾਸ਼ੀ ਦਿੱਤੀ ਗਈ। ਇਸ ਗੱਲ ਦਾ ਪ੍ਰਗਟਾਵਾ ਕਰਦਿਆਂ ਲਾਇਨ ਗੁਲਸ਼ਨ ਕੁਮਾਰ ਬੰਗਾ ਨੇ ਦੱਸਿਆ ਲਾਇਨਜ ਕਲੱਬ ਜੋ ਕਿ ਇੱਕ ਇੰਟਰਨੈਸ਼ਨਲ ਸੰਸਥਾ ਹੈ ਦਾ ਨਵਾਂ ਸਾਲ ਇਕ ਜੁਲਾਈ ਤੋਂ ਸ਼ੁਰੂ ਹੁੰਦਾ ਹੈ ਬੰਗਾ  ਦਾ ਲਾਇਨ ਕਲੱਬ ਬੰਗਾ ਨਿਸ਼ਚੇ ਲਾਇਨਜ  ਕਲੱਬ ਦੇ  ਜ਼ਿਲ੍ਹਾ 321 ਡੀ ਦਾ ਹਿੱਸਾ ਹੈ।                                       

ਲਾਇਨ ਧੀਰਜ ਮੱਕੜ ਨੇ ਦੱਸਿਆ ਕਿ ਬੰਗਾ  ਦੇ ਸੀਨੀਅਰ ਪੱਤਰਕਾਰ ਮਨਜਿੰਦਰ ਸਿੰਘ ਦੀ ਨਿਯੁਕਤੀ ਕਲੱਬ ਵਿੱਚ ਪ੍ਰੈੱਸ ਸਕੱਤਰ ਵਜੋਂ ਕੀਤੀ ਗਈ ਹੈ  ਇਸ ਮੋਕੇ ਕਲੱਬ ਦੇ ਡਾਇਰੈਕਟਰ ਲਾਇਨ ਬਲਬੀਰ ਸਿੰਘ ਰਾਏ, ਉਪ ਪ੍ਰਧਾਨ ਲਾਇਨ ਧੀਰਜ ਮੱਕੜ,ਡਾਇਰੈਕਟਰ ਲਾਇਨ ਰਾਮ ਸਰੂਪ  ਲਾਇਨ ਗੁਲਸ਼ਨ ਕੁਮਾਰ, ਲਾਇਨ ਜਸਪਾਲ ਸਿੰਘ ,ਲਾਇਨ  ਹਰਨੇਕ ਸਿੰਘ ਦੁਸਾਂਝ ਅਤੇ ਹੋਰ ਲਾਇਨ ਮੈਂਬਰ ਹਾਜ਼ਰ  ਸਨ।

ਮਨੁੱਖੀ ਅਧਿਕਾਰ ਮੰਚ ਦੀਆਂ ਨਵ ਨਿਯੁਕਤੀਆਂ ਦੀ ਹੋਈ ਤਾਜਪੋਸ਼ੀ

 

                               ਬੰਗਾ 2,ਜੁਲਾਈ  (ਮਨਜਿੰਦਰ ਸਿੰਘ   )ਮਨੁੱਖੀ ਅਧਿਕਾਰ ਮੰਚ  ਪੰਜਾਬ ਦੀ ਇਕ ਵਿਸੇਸ ਇਕੱਤਰਤਾ ਮੰਚ  ਦੇ ਬੰਗਾ ਦਫਤਰ   ਵਿਖੇ ਕੌਮੀ ਪ੍ਰਧਾਨ ਡਾਕਟਰ ਜਸਵੰਤ ਸਿੰਘ ਖੇੜਾ ਅਤੇ ਕੌਮੀ ਸਰਪ੍ਰਸਤ ਰਾਮ ਜੀ ਲਾਲ ਸਾਬਕਾ ਐੱਸਐੱਸਪੀ ਦੇ  ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਮੰਚ ਦੇ ਜਿਲਾ  ਸਲਾਹਕਾਰ ਕਮੇਟੀ ਦੇ ਚੇਅਰਮੈਨ  ਗੁਰਬਚਨ ਸਿੰਘ  ਦੀ ਪ੍ਰਧਾਨਗੀ ਹੇਠ ਹੋਈ | ਜਿਸ ਵਿੱਚ ਪਿਛਲੇ ਦਿਨੀਂ ਜੋ ਨਵੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ ਸਨ ਉਨ੍ਹਾਂ ਨੂੰ ਮੰਚ ਦੇ ਕਾਰਡ ਅਤੇ ਨਿਯੁਕਤੀ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ 

ਜਿਸ ਅਨੁਸਾਰ ਬੰਗਾ ਦੇ ਐਨ ਆਰ ਆਈ ਨੰਬਰਦਾਰ ਇੰਦਰਜੀਤ ਸਿੰਘ ਮਾਨ ਨੂੰ ਜਿਲਾ ਐਸ ਬੀ ਐਸ ਨਗਰ ਦੇ ਆਰ ਟੀ ਆਈ  ਸੈੱਲ  ਚੇਅਰਮੈਨ , ਸਤਨਾਮ ਸਿੰਘ ਬਾਲੋ ਨੂੰ ਇਸੇ ਸੈੱਲ  ਦੇ ਜਿਲਾ ਸੇਕ੍ਰੇਟਰੀ  ਅਤੇ ਰਣਬੀਰ ਸਿੰਘ ਬਾੜਾ  ਵਾਈਸ ਪ੍ਰਧਾਨ ਬਲਾਕ ਬੰਗਾ ਵਜੋਂ ਸਨਮਾਨਿਤ ਕੀਤੇ  ਗਏ ।

ਪੱਤਰਕਾਰਾਂ ਨੂੰ ਇਹ ਜਾਣਕਾਰੀ ਦਿੰਦਿਆਂ ਮੰਚ ਦੇ ਜ਼ਿਲ੍ਹਾ ਚੇਅਰਮੈਨ  ਮਹਿੰਦਰ ਮਾਨ ਨੇ ਦੱਸਿਆ  ਮਨੁੱਖੀ ਅਧਿਕਾਰ ਮੰਚ ਕੌਮੀ ਪ੍ਰਧਾਨ ਜਸਵੰਤ ਸਿੰਘ ਖੇੜਾ ਦੀ ਪ੍ਰਧਾਨਗੀ ਅਤੇ ਕੌਮੀ ਸਰਪ੍ਰਸਤ ਰਾਮ ਜੀ ਲਾਲ ਸਾਬਕਾ ਐਸਐਸਪੀ ਦੀ ਸਰਪ੍ਰਸਤੀ ਹੇਠ ਆਪਣਾ ਮਨੁੱਖਤਾ ਦੀ ਸੇਵਾ ਦਾ ਦਾਇਰਾ ਵਧਾ ਰਿਹਾ ਹੈ ਜਿਸ ਵਿੱਚ ਮੰਚ ਹਰ ਮਹੀਨੇ ਵਾਤਾਵਰਨ ਦੀ ਸੰਭਾਲ ਲਈ ਬੂਟੇ   ਵੀ ਲਾਇਆ ਕਰੇਗਾ । ਇਸ ਮੌਕੇ ਕੌਮੀ ਪ੍ਰਧਾਨ ਜਸਵੰਤ ਸਿੰਘ ਖੇੜਾ ਨੇ ਪੈਟਰੋਲ ਦੀਆਂ ਵਧ ਰਹੀਆਂ ਕੀਮਤਾਂ ਤੇ ਬੋਲਦਿਆਂ ਕਿਹਾ ਇਸ ਕਰੋਨਾ ਮਹਾਂਮਾਰੀ ਦੇ ਮੌਕੇ ਸਰਕਾਰ ਲੋਕਾਂ ਨੂੰ ਰਾਹਤ ਦੇਣ ਦੀ ਬਜਾਏ ਹੋਰ ਬੋਝ ਪਾ ਰਹੀ ਹੈ ਜਿਸ ਬਾਰੇ ਸਰਕਾਰ ਨੂੰ ਦੁਬਾਰਾ ਵਿਚਾਰ ਕਰਕੇ ਇਨ੍ਹਾਂ ਵਧੀਆਂ  ਕੀਮਤਾਂ ਨੂੰ ਵਾਪਸ ਲੈਣਾ ਚਾਹੀਦਾ ਹੈ  ਰਾਮ ਜੀ ਲਾਲ ਕੌਮੀ ਸਰਪ੍ਰਸਤ  ਨੇ ਕਿਹਾ ਕੇ ਸਾਨੂੰ ਸਭ ਨੂੰ ਸੰਵਿਧਾਨ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ । ਪ੍ਰਿੰਸੀਪਲ ਕੁਲਵੰਤ ਸਿੰਘ ਸੈਣੀ ਜਿਲਾ ਚੇਅਰਮੈਨ  ਸਲਾਹਕਾਰ ਕਮੇਟੀ ਅਤੇ ਅਮਰੀਕ ਸਿੰਘ ਗੋਬਿੰਦਪੁਰੀ ਜ਼ਿਲ੍ਹਾ ਸੀਨੀਅਰ ਵਾਈਸ ਪ੍ਰਧਾਨ ਨੇ ਸਭ ਨੂੰ ਅਨੁਸ਼ਾਸਨ ਰੱਖ ਕੇ ਮਨੁੱਖਤਾ ਦੀ ਸੇਵਾ ਕਰਨ ਦੀ ਅਪੀਲ ਕੀਤੀ ।ਇਸ ਮੌਕੇ ਮਨਜਿੰਦਰ ਸਿੰਘ ਬੁਲਾਰਾ ਪੰਜਾਬ   ਗੁਰਬਚਨ ਸਿੰਘ ਚੇਅਰਮੈਨ ਪੰਜਾਬ ਸਲਾਹਕਾਰ ਕਮੇਟੀ, ਇੰਦਰਜੀਤ ਸਿੰਘ ਮਾਨ, ਸਤਨਾਮ ਸਿੰਘ ਬਾਲੋ,ਗੁਲਸ਼ਨ ਕੁਮਾਰ ਚੇਅਰਮੈਨ ਸਲਾਹਕਾਰ ਕਮੇਟੀ  ਬਲਾਕ   ਬੰਗਾ,ਰਣਵੀਰ ਸਿੰਘ ਬਾੜਾ    ਨੇ ਵੀ  ਆਪਣੇ ਵਿਚਾਰ ਰੱਖੇ | ਇਸ ਮੌਕੇ ਹੁਸਨ ਲਾਲ ਸੂੰਢ ਪੀ ਏ ਟੂ ਕੌਮੀ ਪ੍ਰਧਾਨ ਅਤੇ ਹਰਨੇਕ  ਸਿੰਘ ਨੇਕਾ ਦੁਸਾਂਝ ਚੇਅਰਮੈਨ ਆਰਟੀਆਈ ਸੈੱਲ ਬੰਗਾ ਹਾਜ਼ਰ ਸਨ ।

ਇੱਕ ਸੌ ਅੱਠ ਸੰਤ ਬਾਬਾ ਕੁਲਵੰਤ ਦਾਸ ਭਰੋ ਮਜਾਰਾ ਜੀ ਦਾ ਕੀਤਾ ਸਨਮਾਨ

ਬੰਗਾ 1,ਜੁਲਾਈ (ਮਨਜਿੰਦਰ ਸਿੰਘ )ਸ੍ਰੀ ਗੁਰੂ ਰਵਿਦਾਸ ਸਾਧੂ ਸੰਤ ਸੁਸਾਇਟੀ ਪੰਜਾਬ ਦੇ ਪ੍ਰਧਾਨ ਇੱਕ ਸੌ ਅੱਠ ਸੰਤ ਬਾਬਾ ਕੁਲਵੰਤ ਦਾਸ ਜੀ ਭਰੋਮਜਾਰਾ  ਦਾ ਕੁਲਜੀਤ ਸਿੰਘ ਸਰਹਾਲ ਵਾਈਸ ਚੇਅਰਮੈਨ ਪੰਚਾਇਤ ਸੰਮਤੀ ,ਜੋਗਰਾਜ ਜੋਗੀ ਨਿਮਾਣਾ ਜਨਰਲ ਕੌਂਸਲ  ਮੈਂਬਰ ਸ਼੍ਰੋਮਣੀ ਅਕਾਲੀ ਦਲ  ਬਾਦਲ  ਅਤੇ ਇਲਾਕੇ ਦੀਆਂ ਸਮੂਹ ਸੰਗਤਾਂ ਵੱਲੋਂ ਸਨਮਾਨ ਕੀਤਾ ਗਿਆ ।ਇਸ ਗੱਲ ਦਾ ਪ੍ਰਗਟਾਵਾ ਕਰਦਿਆਂ ਯੋਗਰਾਜ ਨਿਮਾਣਾ ਨੇ ਦੱਸਿਆ ਸੰਤ ਬਾਬਾ ਜੀ ਦੇ ਸੰਘਰਸ਼ ਅਤੇ  ਉਪਰਾਲੇ ਸਦਕਾ ਦਿੱਲੀ ਵਿਖੇ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਮੰਦਰ ਦੀ ਉਸਾਰੀ ਅੱਜ ਤੋਂ ਦੁਬਾਰਾ ਸ਼ੁਰੂ ਹੋ ਗਈ ਹੈ ਜਿਸ  ਮੰਦਰ ਨੂੰ ਦਿੱਲੀ ਡਿਵੈਲਪਮੈਂਟ ਅਥਾਰਿਟੀ ਵੱਲੋਂ ਢਹਿ ਢੇਰੀ  ਕਰ ਦਿੱਤਾ ਗਿਆ ਸੀ । ਇਸ ਮੌਕੇ ਸੰਤ ਬਾਬਾ ਕੁਲਵੰਤ ਦਾਸ ਜੀ ਨੇ ਕਿਹਾ ਕਿ ਉਹ  ਗੁਰੂ ਰਵੀਦਾਸ ਸਮਾਜ ਲਈ ਸੰਘਰਸ਼ ਕਰਦੇ ਆਏ ਹਨ ਅਤੇ ਕਰਦੇ ਰਹਿਣਗੇ । ਇਸ ਮੌਕੇ ਸਰਪੰਚ ਬਿਸ਼ੰਬਰ ਦਾਸ ਸਰਹਾਲ ਕਾਜੀਆਂ ,ਗਿਆਨੀ ਪਾਲ ਸਿੰਘ ,ਜਥੇਦਾਰ ਜੈ ਰਾਮ ਸਿੰਘ ,ਜਥੇਦਾਰ ਕੇਵਲ ਸਿੰਘ ਭਰੋ ਮਜਾਰਾ ,ਵਰਿੰਦਰ ਕੁਮਾਰ ਸਰਹਾਲ  ਕਾਜ਼ੀਆਂ ,ਡਾ ਸਤਨਾਮ ਸਿੰਘ ਜੌਹਲ ,ਹੈੱਡ ਗ੍ਰੰਥੀ ਅਵਤਾਰ ਸਿੰਘ ਜਿੰਦੀ ਬਾਬਾ ਭਰੋ ਮਜਾਰਾ ,ਸੰਤ ਬਾਬਾ ਲਕਸ਼ਮਣ ਦਾਸ ਜੀ ਅਤੇ ਧਰਮਪਾਲ ਆਦਿ ਹਾਜ਼ਰ ਸਨ